立場新聞 Stand News

【我地呢班中學生.03】籃球小子:畢業後想做警察,但 ...

2017/9/21 — 14:43

「我對 DSE 無乜感覺,考完之後諗住做消防或者警察。人工好,福利多,又唔駛讀書好勁,合格就得。」今年升上中六的 Peter 說。

Peter 祖籍汕尾,2008 年隨母親來港,現時與哥哥三人共住百呎劏房。他坦言自己成績「唔 OK」,但不討厭上學,道:「喺屋企都無嘢做,無咩玩,學校會同啲朋友一齊玩」。

喜歡打籃球的 Peter,是籃球校隊成員,惟今年超齡未能參加學界賽,但逢星期五都與朋友一起練波。打波,吹水,到晚上 11 點,球場關燈,他們才各自回家。

廣告

數月前,Peter 居住的劏房木蝨為患,幾乎所有傢俱都要丟掉,甚至床架都要換過。重新添置傢俱之前,他去過朋友家暫住,也睡過幾天賓館,現在總算安頓下來,說:「住嗰度好麻煩好辛苦,排咗好耐公屋,好多年都未上到樓。」

廣告

Peter 的哥哥不定時回家,收入也不穩定,有時甚至會向媽媽索取金錢使用。去年,爸爸過身後,家庭財政負擔更重,媽媽每日做足 12 小時養家,「睇到阿媽我覺得佢好辛苦。」

雖然如此,Peter 未有想過提早出身打工幫補家計,說:「我唔想咁快返工。返工好悶,好攰,係咁被人鬧。」他曾經做兼職賺取使用,就像剛剛過去的暑假,他到貨倉執貨,但做了幾天便辭工,說:「買到自己想要嘅籃球鞋,賺夠錢咪唔返囉。」

距離公開試尚餘半年時間,Peter 覺得「無乜感覺」,早已計劃完成中六之後,直接報考紀律部隊,看準其「人工好,福利多,又唔駛讀書好勁」的特點。

「而家警民關係好差,警察係咁被人鬧。」Peter 雖然沒有參與雨傘運動,但認為事件影響了自己做警察的志願,說:「做警察,好擔心係咁被人鬧。」因此,他現時考慮投考消防員;但若然考不上,也願意轉做警察,說:「被人鬧吓都無所謂啦,好搵就得。」

消防或警察並非其終極目標,Peter 希望自己十年後成為籃球教練,說:「但教練少錢嘛!而家仲未做到,所以要做住警察嗰啲先囉。」

發表意見