立場新聞 Stand News

搵地唔係為我哋(四)起極都係住唔起

2018/6/5 — 21:40

本土研究社製圖

本土研究社製圖

今日特首林鄭月娥走出來,話面對樓價飆升、不討論增加土地供應是轉移視線,實在令人搲爆頭。又係政府自己拎「貴細擠」嚟講,貴細擠明明就係房屋問題,咁我地討論房屋政策又唔得?

《好誠實研究》指出,目前大量私人住宅被用作投資或炒賣:全港小型一手住宅單位(400 呎以下)作非自住用途的百份比,已由 2004 年的 9.5% 大增至 2016 年的 61.8%,港島區更增至八成半,連新界都有四成是作投資或炒賣。過往市民就是靠這類小型單位上車,現在被一啲已經有物業的人當做投資工具、越炒越貴。唔阻止炒賣,造再多地,起再多樓,無殼蝸牛都係買唔起。

政府委任的土地供應專責小組一味話「貴細擠」係因為無填海造地,根本將兩樣其實無乜關係的事情拉埋一齊,又唔提呢段時間裡政府打擊炒賣不力。好似上屆政府明明推出「港人港地」,賣地時加入條款,限制日後建成的住宅單位未來三十年須得地政總署同意才可轉讓或出租,房屋有望落到真正用家手上。但今年二月,地皮發展成的樓盤「啟德 1 號」,僅在入伙四個月後 85% 的單位已獲地政總署批准轉售或分租,政府可說是自廢武功,仲話明今屆政府都唔會再推港人港地抑制炒家。

廣告

樓價飆升,增建公屋居屋、分開私樓的自住與投資市場才是治本方法。增加土地供應是有各種時間、金錢、環境成本的。在現有房屋土地資源都未善用的情況下,請政府不要轉移視線,講一些與改善「貴細擠」無關的增加供應措施。

 

廣告

原刊於本土研究社 Facebook

發表意見