立場新聞 Stand News

當首置樓遇上南生圍......

2017/9/9 — 10:28

本土研究社製圖

本土研究社製圖

林鄭提出嘅「首置屋」又話定價只係建築成本貴少少,又話幫助年輕家庭踏上置業階梯,好似好吸引。

不過,佢強調這種市民好想要嘅單位,一定要來自「額外」 土地供應方法,仲反問大家點解吾可以考慮填海同發展效野公園邊陲。填海同郊野公園政府可能都仲要慢慢來,但係林鄭之前講過用「公私合營」起「首置樓」,會唔會變相係幫發展商發展手上原本吾比發展的新界農地來謝票?

地產商手上一直囤左好多農地,恆基、新地、新世界加埋就有9250萬平方呎農地,仲未計長實手中市值11億的農地。如果政府提議用南生圍呢類地來起首置屋,大家又支吾支持佢起? 

廣告

其實地產商一早就試過係具爭議性嘅發展入面,加番啲「公私合營」嘅公營房屋想來過骨。2012年果時,傅老榕同恆基合作發展南生圍的改劃申請,起5棟640個分層單位裡面,就話會有大約一半預留做居屋(註 1),好彩個計劃最後因為佢另外想起外900個低密度豪宅太多而被反對。

但恆基其實仲未放棄發展南生圍,最新嘅改劃申請入面,仍然寫住:「提供570個小型住宅單位...與居者有其房面積相約」。寫到咁耐人尋味,就好似政府肯批準嘅話,就隨時可以「公私合營」有居屋咁。

廣告

南生圍的改劃最後批吾批暫時都無人知。但係林鄭咁堅持「首置樓」要搵「額外」的土地,話要用「公私合營」,就好難令人吾去諗其實係明益地產商喎,類似南生圍呢類地產囤地會唔會好快起哂樓,同埋會唔會助長佢地囤積更多的農地呢? 

 

#土地供應研究

註 1: 南生圍項目發展商借居屋過橋,2012年6月30日,蘋果日報 https://goo.gl/W1AvkK

註 2:南生圍改劃申請:https://goo.gl/qSdcDL

原刊於本土研究社

發表意見