立場新聞 Stand News

老師,我唔想同佢坐

2017/7/13 — 6:06

資料圖片 l David Woo @ flickr — Attribution-NoDerivs 2.0 Generic (CC BY-ND 2.0)

資料圖片 l David Woo @ flickr — Attribution-NoDerivs 2.0 Generic (CC BY-ND 2.0)

【文:阿臣 @全民教育局 HKEd4All】

阿臣今年做一班初中嘅班主任。雖然學生只係初到貴境,但因為佢哋大部份都係嚟至同一間小學,所以佢哋之間非常熟稔。今個學年,甚至每一個學年,做班主任嘅總會聽到文章標題嘅一句說話。

背後原因好多,可能係因為同學好嘈、好多嘢講,可能係因為同學啲個人習慣唔好,又或者可能係因為同學係唔同國籍,更多係可能因為同嗰位同學相處唔到,所以要求老師響座位上再調整。

廣告

首先要問,學生有無學過點樣去同一啲自己唔鐘意嘅人相處?今年呢班學生入邊,的確係有幾個係我同另一位班主任嘅「心肝寶貝」,係因為佢哋「老是常出現」。我哋都好關心呢堆細路,但係我哋經常見到佢哋好貪玩、好自我嘅一面。但呢班「心肝寶貝」經過一年之後,唔會聽話咗,都繼續會有好搗蛋嘅一面,但最少佢哋願意跟住呢兩個班主任。老師、家長要做嘅,係俾關心佢哋、注意佢哋,對於一班處於成長期嘅細路,呢啲係非常重要嘅環節。

其次,有啲學生有多次、重覆嘅行為問題,最開頭相關嘅家長會話個學生會講啲「部份真話」。可「幸」嘅,佢遇上一個好麻煩,又啲啲法律嘅老師。我過後就話,保護自己唔係問題,只講對自己有利嘅說法亦都係人之常情,但並唔代表正確。法庭宣誓作供時係講the whole truth and nothing but truth, 講部分真話即係文過飾非,唔係真話嘅一種。後來多了解學生及家長,就了解到學生因為怕俾人鬧,又知道自己做咗啲唔好嘅嘢,唔想俾人知,所以就會咁樣做。鬧、惡係好快咁去應付一個問題,但唔係解決咗個問題嘅方法。俾小朋友感受到家長願意聽,就算去到最後都係要鬧,都會口服心服一啲。

廣告

種族歧視一類的話,就更加要借機會教返學生正確與其他人相處嘅態度,多了解、多聆聽、少啲評論,先真正幫助到學習同人相處嘅技巧。

作者製圖

作者製圖

發表意見