立場新聞 Stand News

被指抄襲快捷出口等功能 港鐵認曾見Pokeguide 強調之前已知構思

2017/9/14 — 14:16

港鐵手機程式近日推出「快捷出站」及「站內搜尋」的新功能,但被本地初創企業Pokeguide質疑抄襲。港鐵方面今午發文,承認曾與Pokeguide商討合作,又指今日會聯絡Pokeguide解釋事件,但就未有正面回應是否有抄襲,只強調在會面前,已由不同途徑知悉這些功能。

Pokeguide:咁大嘅公司話抄就抄

港鐵應用程式近日推出兩項新功能,其中「快捷出站」能提供車門位置等資訊,協助乘客用最快捷方式到達出口;「站內搜尋」則會顯示站內設施及商店位置,並顯示參考路綫。

廣告

一向有提供類似功能的Pokeguide昨晚發文,稱去年曾與港鐵高層開會,會上Pokeguide提出願意開放車卡車門的數據,而港鐵只要標明來源就可以使用,「唔明點解港鐵仲要花費千萬做番個一模一樣嘅功能?」

至於「站內搜尋」功能,Pokeguide指去年會上亦有講解過如何使用beacon技術引導乘客。他們提出可以與其他研發beacon的初創公司合作,港鐵當時亦指概念很好,會返與其他部門同事研究:「之後我地一直再冇任何書信往來,直到上星期睇見佢地大肆宣傳先知我地嘅idea又被『無通知下徵用咗』。」

廣告

Pokeguide批評港鐵抄襲其理念:「原來,一間咁大嘅公司係可以將人地嘅idea話抄就抄,抄完唔洗通知對方就當咗係自己野。」、「點解香港個個都支持創科,支持建造智慧城市嘅時候,港鐵唔係俾多D機會同startup合作,而要額外花一大筆錢,偷完人idea再自己攞哂嚟做?」

港鐵:2013年紐約已有快捷出口功能

港鐵今日透過FB回應事件,但未有正面回應抄襲指控。客戶體驗拓展總經理Annie解釋,早在2013年已留意到紐約有程式提供地鐵快捷出口功能,之後亦留意到Pokeguide等程式有類似功能。港鐵承認曾與Pokeguide等初創企業討論合作空間,在衡量利弊後決定於MTR Mobile加入快捷出站功能。

港鐵指2015年已收到有關站內搜尋的建議,認為可以應用Beacon技術提供導航及提示功能,坊間大型基建及德福廣場亦有應用此技術,港鐵最後將此技術應用於站內搜尋功能上。港鐵的回應指,希望於各範疇多與初創企業合作,將來亦會多注意溝通上能否做得更好。他們將於今日聯絡Pokeguide解釋事件。

發表意見