2016/11/7

人大第五次釋法

2016/11/7

2016/6/16

林榮基勇敢說真相 爆中央拘押手段

2016/6/16

2016/12/2

政府入稟覆核四議員資格

2016/12/2

2016/12/6

申訴專員指政府阻網媒採訪投訴成立

2016/12/6

只需每月贊助$200

守護言論與新聞自由

立場新聞,寸步不退

守護言論與新聞自由。立場新聞,寸步不退

每月贊助$200,支持立場新聞

7
立場新聞 Stand News

言之鑿鑿 人人法官

2017/5/11 — 18:02

九龍灣姦劫案疑犯,圖片來源:無綫電視片段截圖

九龍灣姦劫案疑犯,圖片來源:無綫電視片段截圖

本來呢單嘢唔想講,今時今日,涉及風化和警察的案件,最易觸動情緒,一時三刻很難理性處理。況且,受害人及其社交圈子也會上網,也無謂多說造成再次傷害。

但係今日,疑犯警署自殺,好多人大發偉論,例如「積犯自殺無可能」、「佢坐咁多次監點會畏罪」等等。很多人對人性、心理欠認識,也欠想像力,簡單便斷言「一定無可能」。但不如你試吓調轉諗吓,呢個積犯做親都係老爆(爆竊)和藏毒,佢今次都係諗住搶劫,結果變成強姦。這一宗案同佢以前做嘅好唔同,老爆積犯和強姦案的罪犯心態本就很不同,佢以前還可以用「我為生活」、「我為頂癮」而去老爆,「為勢所迫,我都唔想㗎」,但強姦這種案件,你是無法用這些理由來減輕罪疚感,還有傳媒和社交網站鋪天蓋地的報道施加了極大壓力呢。而從案情來看,他本來冇諗住強姦,但因為受害人追上來(我要強調十次我唔係怪罪個女仔追賊),對於這類積犯加上毒癮,很難有正常社交(莫講話性生活),加上環境有利罪案,於是惡向膽邊生,幹了這種人人得而誅之的惡行。另有報道指,疑犯先和受害人解釋點解佢要搶嘢(即上面講的「我為咗生活我都唔想」),然後突然性侵受害人。所以,佢會因而畏罪,可信性是高的(我冇話佢一定係畏罪,也可能另有內情,我只係話佢畏罪自殺並不離奇)。

廣告

有人說疑犯係有預謀,佈了局,引個女仔追然後侵犯她(所以唔會畏罪)。點解大家覺得個疑犯咁聰明?一來,好少聽癮君子有咁聰明,再者,這個預謀要女仔追上才可,不追便不行,疑犯竟然會咁樣佈局,唔知係蠢定醒。而一個畀人拉咁多次入冊的疑犯,並在件事見晒傳媒後仲夠膽用受害人張提款卡,你話我聽佢係「高智能罪犯」識佈局?其實,警察咁快破到案,以今日的科技追蹤,一點不出奇。

呢件事當然唔可以就咁了結,調查係必須的,包括點解會自殺到,點解會有LAN線,也不排除另有內情的可能。(講到有LAN線,其實係咪咁無可能?十年經驗的醫生都可以開漏藥搞到咁大鑊,何況係警察的散仔?話唔定求其擺住喺嗰度先但唔記得check清楚……無論如何,呢個警署涉案的散仔都唔使諗住升職。)

廣告

講到尾,自從三萬警察曬馬X老母集會後,再加上幫港出聲之流撐警迫害教師推波助瀾,仇警心態必然越來越勁,這叫因果。不過有啲案件,不如顧及吓受害人感受(例如受害人在此刻只能信任警察,而我們一邊花生不斷話呢件事所有嘢都係假,受害人知道會受更深的傷害)。當有一群人不斷在FB說「這個疑犯未定罪就仲係疑犯」時,其實「這班警察也未有證據證明佢哋亂拉人」,但「警署竟然有犯可以自殺到」卻是真的。我覺得可以就番件事的重點(點解自殺到?)去講便夠。還有,其實我們言之鑿鑿的,都不過係傳媒報的二三手資料而已,唔使做咗法官咁。

 

(標題為編輯所擬;原刊於作者 facebook

發表意見

相關文章