立場新聞 Stand News

貨櫃屋

2017/9/21 — 17:09

資料圖片,圖片來源:Living x ihouse 智能貨櫃屋 facebook

資料圖片,圖片來源:Living x ihouse 智能貨櫃屋 facebook

坊間講緊嘅一堆野,要分返開技術問題同政治問題。

一,好多人一見到新聞就鬧「倒退」。提出嘅民間團體當然希望居住環境係人道,唔會想件事係差過劏房,係嘅話就收得皮啦研究來做乜。當然大家可以質疑荷蘭嗰種響香港得唔得架,點防風防水防熱防冷又唔易冧又過到消防諸如此類,呢堆全部係技術問題。當然希望不論係政府定社聯定其他團體研究到的話,多多分享,點解決呢堆問題。同埋臨時屋可能好多方面難以符合住宅樓宇要求,係要牽涉跨部門定啲新指引。

二,另一個問題係選址,有牽涉政府管治效率同政治問題。本土研究社立場係希望先善用嘅係政府閒置土地或短租土地,有啲長遠規劃唔係起公屋但因為各種原因未賣地未開工(如打緊官司未賣到地、部門資源未到有排未起政府設施、部門閒置咗好耐又唔知要來做乜,又或好細塊好難起樓嗰種)。所以唔會同起公屋爭資源,起臨時房屋嘅地唔應該係起到公屋嘅地,亦都唔應該係專起公屋嘅房屋署去處理。我哋亦唔希望合理化地產商囤嘅農地,假借平租之名,藉此"先貨櫃屋後真發展"。

廣告

當然,係牽涉住人,如果個選址係好近大馬路空氣好差咁都唔理想。

至於共唔共用設施(如客廳廚房廁所等),講真,好視乎每個人習性。我唔覺得所有野要一戶一set叫進步,共用就等於退步,其實一齊營造一個社區,梗會有野共用。而共用客廳廚房廁所,的確係節省到空間。明白可能有衛生考慮,咁就由一個小社區之中分擔啲責任,點樣一齊保持環境清潔。如果真係好唔願意嘅,咁都可以選擇唔搬入來。

廣告

作者facebook專頁

發表意見