立場新聞 Stand News

着其他隊波衫入場睇波

2017/7/20 — 17:40

圖左為效力曼聯時期的伊巴謙莫域;圖右為利物浦「10號仔」古天奴。(兩名球員 Facebook 圖片)

圖左為效力曼聯時期的伊巴謙莫域;圖右為利物浦「10號仔」古天奴。(兩名球員 Facebook 圖片)

我冇見到「古仔」拖住「伊巴」呢對情侶,但尋日喺球場確實見唔少着比賽隊伍以外嘅波衫,尤以曼聯者為多,甚至見到有位利迷與曼迷因推撞而鬧交。

其實「着其他球隊波衫入場睇波」呢個問題,每次外隊訪港都會出現,曾經有人喺討論區開PO,話呢種係香港獨有睇波文化,網民反應好兩極。有人覺得成件事好唔合理,喺一個場合着唔應該出現嘅波衫,係唔尊重嘅行為,尤其係着死敵球衣,做乜9?當然有人唔認同,覺得無傷大雅,而且冇明文規定唔可以咁着,他人冇權干涉。

有啲人可能冇錢/未買到新波衫,唯有着住嗰位球星效力上一隊嘅波衫,例如尋晚着「龍虎切」車路士波衫或者「J洛」嘅修咸頓波衫,當係懷念或者支持個別球員,都算叫做合理同可接受。

廣告

有少入場睇波嘅朋友曾問我:「睇波係咪一定要着波衫?唔着會唔會好似唔係幾好?」其實唔一定要着波衫,冇波衫的話,其實着嗰隊波主色嘅T-Shirt已經足夠。如果你本身只有一千零一件波衫,但唔啱隊伍卻又想着波衫,寧願你早啲入場買球迷紀念T,好過真係着件唔啦間嘅球衣,相當異類。

有人覺得應該正視場合,有人覺得貪玩過癮無傷大雅,作為經常入場睇波嘅你又點睇?

廣告

原刊於作者 facebook

 

 

發表意見