2016/11/7

人大第五次釋法

2016/11/7

2016/6/16

林榮基勇敢說真相 爆中央拘押手段

2016/6/16

2016/12/2

政府入稟覆核四議員資格

2016/12/2

2016/12/6

申訴專員指政府阻網媒採訪投訴成立

2016/12/6

只需每月贊助$200

守護言論與新聞自由

立場新聞,寸步不退

守護言論與新聞自由。立場新聞,寸步不退

每月贊助$200,支持立場新聞

7
立場新聞 Stand News

跑開街真係返唔到轉頭

2016/12/22 — 20:27

正如結衣BB套啱啱完左嘅神劇嘅角色所講:逃避雖可恥,但有用。

正如結衣BB套啱啱完左嘅神劇嘅角色所講:逃避雖可恥,但有用。

正如結衣BB套啱啱完左嘅神劇嘅角色所講:逃避雖可恥,但有用。跑步箇然唔可恥,但作為「逃避」生活壓力種種既方法,卻非常有用。作為其中一粒處於壯年危機既微塵,生活工作不如意事十常八九,加上旁人常道「雖然廿七歲仲後生但再唔定就太遲喇」既生活大智慧,每個星期總有幾日因為工作生活而迷失、煩燥同煩惱不堪。

作為一個貌似三十幾歲仲要依賴交通工具好可憐既廢中,無車就肯肯定架啦;既然「我有壓抑需要發射」,就唯有拎起對跑鞋落街「禱告那些難題想想如何轉彎攀山落斜」。街燈相陪揚塵而去,看盡道路上人生百態;偶爾跑過「觀察」一下觀塘海濱一對對小情侶卿卿我我打情罵俏,返到屋企立即「豁然開朗」,以「輕鬆」心情迎接第二日既勞碌循環。

除非落雨要跑室內場,否則有得揀,一定肯定絕對唔跑圈。初心者必定經歷過運動場定點跑圈練耐力既過程,果期我經常幻想自己係隻肥倉鼠,喺籠入面好「開心」咁跑果個堪稱史上最徒勞無功既倉鼠圈。圈大由自可,圈細真係把幾火-室外運動場一個標準圈四百米,但室內場每圈大概只有百五米,跑五公里足足要跑三十三點三三三個圈,唔駛踎底起身跑完都即刻見頭暈。

廣告

其中一樣跑圈最徒勞無功既事,就係極為努力咁數住自己跑緊第幾個圈。偶爾見到靚女跑過小望望,或者個腦諗無謂嘢放一放空,回一回神就心知不妙:究竟跑梗第十五定第十六個?作為偽完美主義者,唯有砍掉重練重新數過;可惜腦部放空靚女跑手老是常出現,迫人進入萬劫不復既「跑梗第幾個」煉獄。

跑街往往有意外收穫,其中一樣係增進對自己社區既地理知識。好多人,其實只係生活喺「五分鐘生活圈」,根本唔熟悉自己社區:除左知道返工返學應該去邊度搭地鐵巴士的士,或者最近既七仔百佳茶記喺邊度之外,其他嘢通通唔知。夜闌人靜,最好就係獨自跑街,扮隻AOC斥候騎兵咁勇往直前,走過平時唔會留意既橫街窄巷,穿過朝早車水馬龍既商業區,細心觀察下社區既一草一木,unlock自己掃除「戰爭迷霧」既技能。以跑步探索自己社區,其實都係種樂趣,如果有靚女一齊跑既話。

廣告

所以話,跑開街,真係返唔到轉頭。

發表意見

相關文章