立場新聞 Stand News

點解日本人喺外國人眼中特別受歡迎?

2018/7/3 — 12:14

一直都有個疑問,點解日本人喺外國人眼中係咁特別咁受歡迎?咪就係因為欣賞佢哋從內到外嘅待人接物態度。

開波前,球迷落力打氣,更將日本 J League 掛大 banner 嘅打氣方式帶到俄羅斯,透過對《足球小將》嘅幻想,將大和魂精神展現出嚟;

完場後,球迷執番哂自己帶嚟嘅垃圾,甚至清埋附近嘅垃圾,將自己帶嚟嘅麻煩歸零;球隊就算輸波,球員都不忘留低感謝遠道支持嘅球迷,甘苦共渡;

廣告

賽後,日本隊將成個更衣室還原基本,不漏任何一樣垃圾,清潔到好似冇用過一樣,最後仲留低一張以俄文寫道嘅紙條:Thank you。

有啲嘢可能係門面功夫或者基本禮儀,但呢份基本嘢偏偏唔係隊隊都做到,人人都認為可以懶嘅地方得過且過,偏偏佢哋就做到最足。佢哋唔止場上表現贏得掌聲,連場外嘅行為都係一樣。

廣告

有人話佢哋扮嘢假到死,但如何分真心?如何分虛偽?根本冇官方標準。與其一直用「佢哋做戲啫」嘅態度看待,倒不如真係諗下點解外國人對日本先咁,而唔係對其他球隊都係咁。

 

(標題為編輯所擬,原刊於作者 Facebook

發表意見