立場新聞 Stand News

澳門新聞局︰安哥衷心感謝大家! 市民︰安哥?黑社會大佬啊?

2018/9/20 — 19:51

論盡媒體製圖

論盡媒體製圖

澳門新聞局昨日(19 日)在臉書專頁上發出標題為「安哥衷心感謝大家!」的帖子,雖然內容多是官腔讚揚社會各界齊心抵禦颱風侵襲,但政府部門用「安哥」稱呼澳門特首崔世安,迅速引起市民廣泛熱議及轉載。有市民留言質疑︰「安哥?黑社會大佬啊?」並獲最多人點讚及表情符號。

市民留言摘錄︰

「公關災難…啊…救命…」

廣告

「新聞局識寫公文?安哥指邊個?你試下寫平爺?」

「安哥?我諗咗好耐囉係邊位安哥,許志安?」

廣告

「我只可叫佢技安」

「係嘅大佬!」

「亡羊補牢,鬆毛鬆翼系列 —「天鴿」瀨嘢後仲係叫崔特首,食完「山竹」就懶風騷改口叫安哥?官方文稿突然玩親切非常嘔心,日後可能會有澳門安哥與香港娥妹一同上京見習老大?」

「身為政府新聞局,代表官方信息的政府部門居然如此輕佻?而我不知道誰是安哥,或者下次用『吹水』會容易令人知道是誰」

「打颱風風災咁多經濟損失,講到好似可喜可賀咁。」

「今年無事就飄飄然出黎講笑幽默,安哥你記唔記得上年死咗幾多個人?」

「好叻叻豬啊安哥! 但係水浸問題仲未解決啊!」

「其實安哥只係一種稱呼,大家都知係指特首就可以。笑一笑啦澳門人」

「稱呼都睇 context,篇稿第一句就係『……代表澳門特區政府』,唔係代表緊阿豬阿狗機構,橘逾淮為枳應該小學、頂多初中,就有教了吧?」


(識睇一定睇留言)

 

原刊於論盡媒體

發表意見