立場新聞 Stand News

無懼市民上街反對 戴祖義企硬將BoBo做標本 「人多可解決問題就不需要我哋啦!」

2018/11/23 — 10:34

昨日(22日),澳門立法會議員蘇嘉豪在行政法務範疇的施政辯論中,呼籲澳門民政總署(民署)不要將黑熊BoBo製作成標本,讓BoBo可以回歸大自然。 民署管委會主席戴祖義在會上已「落閘」,認為標本對研究動物品種很重要。會後,蘇嘉豪在他受訪時「亂入」與他理論,但被戴祖義「攬腰」推向記者面前說:「我唔同你拗呢啲,你想攞分嘅,行前啲。」如果市民上街反對,他直指如果人多可解決問題,就不需要民署啦!

民署管委會主席戴祖義在會上表示,動物標本對科學研究及科普教育有十分重要意義,以及研究動物種群和品種的鑑定的重要依據,參考鄰近地區的做法,將具有特別意義的動物製作標本,如台灣的大象「林旺」、香港的非洲豹「小花」等,希望將牠們的歷史印記可延續下去,給予廣大市民參考價值之餘,加強動物保育意識,他希望市民能理解民署的出發點。

戴祖義表示,從科普教育的角度,製作標本是恰當的,但有些網民就講得「相當肉酸,但我地唔係呢個心」,有記者就質疑為何不以VR或圖片方式推廣?他表示,這些方式在科普教育上某程度是OK,但從科學研究、物種鑑定就做不到,所以都是要聽專家的意見。他認為網民不是平心靜氣去討論,他又引述1名網民說:「你哋講到有血有淚,有幾耐無探過BoBo呢?」他續稱:「所以,要對一個人好,對一隻動物好,請在佢在生的時候對佢好,而我哋民署三十幾年盡咗力對BoBo好。」

廣告

有傳媒追問,若有大批市民上街反對將BoBo製成標本,民署會否改變注意?戴祖義稱,「我覺得咩事講道理啫,如果人多可以解決事情嘅,唔需要我哋係到啦,係咪啊?」至於忽然「話起就起」的動物標本展示博物館,戴祖義表示,管委會在去年決定的,因以往已堆積300多件標本,有很長時間未公開展覽,所以認為是時候建博物館,希望明年可做好開標程序,預計第四季尾可建好。他稱,博物館是由內部人員設計的,可以「慳返」。

期間蘇嘉豪「亂入」質問「咁邊個理解澳門市民的心情?」戴祖義隨即表示,「我唔同你拗呢啲嘢,你想攞分嘅,行前啲。」蘇嘉豪就表示不是要「攞分」,而是剛才大會不夠時間問,二人就開始理論起來。

廣告

蘇嘉豪︰除了標本可以延續之外,是否有其他方法?
戴祖義反問︰你覺得咩方法好?
蘇嘉豪說︰可以做雕像,土葬、樹葬,建紀念碑……
戴祖義說︰依家已經有紀念碑,製標本係科普教育呀嘛,是用科學的角度⋯⋯
蘇嘉豪說︰我哋好難接受得到一個澳門的老朋友,將佢挖晒所有嘢出黎,淨返假的眼珠,假的皮毛,俾市民咁樣去望住,咁樣有啲咩既科普意義?BOBO唔同一般⋯⋯好似中華白海豚在路環擱淺,我地唔知佢嘅來歷,亦都無一個本地的情感的連結,佢唔同其他野生動物……
戴祖義說︰我明白你講咩,我哋既出發點都係希望延續BoBo的腳印,因BoBo有背後的歷史作為借鏡,我希望大家可以理性的角度去睇呢件事,好嗎?
蘇嘉豪說:希望你都可以唔好落閘,唔好堅持。

愛瞞日報 facebook 

發表意見