立場新聞 Stand News

名畫主角後人同美術館爭畫

2016/10/31 — 15:02

Portrait of Greta Moll ,1908

Portrait of Greta Moll ,1908

【藝術咁都得?】唔知大家有無諗過美術館藏品嘅來由係點呢?又有無諗過就算份作品係你用真金白銀買番泥都有機會唔係你屬於嘅呢?呢排,英國國家美術館(The National Gallery, London)就比人控告,話佢地其中一個館藏亨利.馬諦斯(Henri Matisse)著名的《葛麗泰.莫爾肖像》(Portrait of Greta Moll ,1908)係館方係二戰之後非法搜刮而得到,而提出控告嘅人就正正係畫中主角嘅3個孫。佢地要求英國國家美術館係9月6日之前還番比佢地,仲要求賠償3千萬美元。嘩嘩嘩....究竟點解名畫主角後人突然出現同美術館爭名畫呢?

英國國家美術館

英國國家美術館

廣告

其實話說幅畫嘅冒險之旅係咁嘅,呢幅係馬諦斯好出名嘅肖像作品,畫入面嘅主角係佢嘅學生 葛麗泰.莫爾(Greta Moll),佢亦同時係馬諦斯嘅同鄉好友兼藝術家 。

廣告

好不幸地,住係柏林嘅莫爾夫婦係1933年因希特勒開始打擊反極權色彩,包括藝術家同藝術作品, 而被人被列入黑名單。當時藝術作品係視為「墮落」嘅象徵。莫爾嘅雕塑作品甚至出現係德國納粹在慕尼黑所舉辦的「墮落的藝術」展場上。

當時莫爾擁有呢幅《葛麗泰.莫爾肖像》肖像作品,但因為驚納粹政權將呢畫扣押甚至摧毀,所以莫爾係1945年個震,將呢幅畫輾轉交比佢丈夫嘅一位學生格特魯德(Gertrud Djamarani)送到瑞士保管。

可惜呢位學生格特魯德無好好保護作品,甚至係佢移民伊朗之前賣左比人。之後呢幅肖像畫曾經越過左大西洋1949年出現係美國紐約嘅Knoedler & Co.畫廊, 之後被一位來自德州嘅私人收藏家Lee Blaffer收藏,之後又被英國倫敦的Lefevre畫廊所收購,最後係1979年,就由依家嘅典藏單位嘅英國國家美術館購入。

TumTum.hk 嘅FB
TumTum.hk嘅網站

發表意見