立場新聞 Stand News

【向老母致敬】地球人已無法阻止網民接龍作畫

2019/1/30 — 16:44

這是一幅平庸的繪畫,畫中只有一隻天鵝,低著頭啄食羽毛。老母也說:「無人會喜歡的啦。」但,佢可能係最 socially engaged 嘅作品。

這是老母第二張大作,她兒子將母親與畫作的合照放上網。半個月來,帖子吸引超過四十名、來自世界各地、不同年齡性別的網民爭相仿效,以畫中畫的形式不斷複製傳播,甚至已整合出展示演變的流程圖。

廣告

廣告

傳染力特強的畫作,早於今個月 16 號在 Reddit 曝光。網民 Gaddafo 貼出老母與畫,寫道「我老母畫嘅,佢話無人會中意喎」。如此大膽向網民挑機,大家當然不會放過,落力回應,展示最有創意的一面。第一個衝出嚟俾反應嘅係瑞典藝術家 Kristoffer Zetterstrand!他將 Gaddafo 的相片畫出來,老母變成畫中主角,並上載他與畫作的合照,寫道「我畫咗某人嘅老母」。

多得藝術家加持,傳染力即時 double up。兩個網民有樣學樣,畫出 Kristoffer Zetterstrand 手持「老母畫作」,並吸引更多網民接力。截至今日,「老母畫作」在 Reddit 發佈已經 14 日,參與接龍繪畫的網民多達 40 人。畫中畫中畫到一個地步,有網民甚至整理出反映畫作演變的流程圖,製作出「老母畫作系譜」。認真地無聊,實在嬲唔落,得啖笑。

地球人已無法阻止網民接龍作畫,創意勁過流感,透過網絡一傳十、十傳百地擴散開去。這些事,藝術史不會記載,甚至今日睇完聽日就唔記得。不過,藝術作品十居其九都係咁,被人記住的有幾多?有意無意地,「老母畫作」起碼在網上流傳過,半個月號召到 40 人一齊癲。大家未必喜歡她畫的天鵝,但她引起的創意大爆發,可能係最 socially engaged 嘅作品。

 

發表意見