立場新聞 Stand News

呢啲假畫其實係我畫嘅真嘢

2016/10/18 — 14:07

韓國警察經過一年調查懷疑十三幅假李禹煥作品,終於拘捕咗一個洪姓嘅「偽術家」,經盤問後佢承認咁多年黎畫咗大概五十幅假嘅李禹煥作品,而呢啲作品已經經過大型畫廊同拍賣會係市場上流通。警方亦拘捕咗一啲畫廊負責人,係準備控告佢地畫同賣假畫時,大家諗住去問下呢位八十歳嘅大師意見,點知李禹煥攞個放大鏡研究咗呢啲「假畫」一輪後,竟然話:「唔係喎,呢啲畫係我畫嗰喎。」

大師咁講,啲警察呢回都唔知點算好,成件案已經捉到犯人同同謀,而且佢地都認哂罪,而家反而係「受害人」話無事發生,咁究竟告唔告佢地好呢?

▲其中一幅被認為係假畫嘅From Line, No. 760219 (1976)

▲其中一幅被認為係假畫嘅From Line, No. 760219 (1976)

廣告

萬一大家唔知,李禹煥係韓國八十年代神級藝術家,佢創立咗襌宗簡約畫派,可以話係八十年代亞洲藝術最重要嘅代表,而家佢每件作品都值數以百萬計,所以假畫事件對韓國以至亞洲藝術市場都有好大影響。

廣告

呢件事引起韓國藝術界極大迴響,好多(尤其年輕)藝術家都係網上圍插李禹煥,話佢老到儍下儍下,俾啲畫廊同拍賣會人氹下就食咗隻死貓,明明啲畫唔係佢畫都夾硬認係自己畫。老人家以為息寧人,點知害到好多唔似佢已經上咗岸嘅藝術家,大家要求藝術界尊重同保護原創,唔好俾啲奸嘅畫廊拍賣會賣假畫圖利。

呢件事攪到唔知點收科,尤其是國際市場對同類嘅韓國單色畫派開始注目,呀大師而家認啲畫係假貨又瀨嘢,繼續死撐係真嘢都瀨,真係隨時短幾年命就大鑊啦,大師真係要保重身體呀。

李禹煥
 (圖片來源:Asia Society)

李禹煥
(圖片來源:Asia Society)

想睇更多藝術資訊?Click入去

TumTum.hk 嘅FB
TumTum.hk嘅網站

 

發表意見