立場新聞 Stand News

教師媽媽的育兒錦囊 編劇陳麗芬:教育之苦在於錯配

2017/11/22 — 17:32

為長遠解決學童自殺問題,政府推出新法例,規定所有懷孕女性必須檢驗胎兒的學術天分,及早篩選,源頭減廢,人稱《廢胎法》……

乍聽是駭人的瘋狂想法,編劇陳麗芬(Ada)將狂想寫成劇本,搬到舞台上實踐。身為全職教師的 Ada,曾經批評過「怪獸家長」;但成為兩女之母後,與孩子一同經歷功課考試,漸漸明白香港教育之苦,「唔係學生或學校嘅問題,而係錯配」。走出學校,她希望透過劇本創作,提醒家長教育不止一條路。

任教於直資小學的 Ada 未生孩子之前,見到家長著緊學生課業成績,曾覺得「啲家長駛唔駛咁搏」。直至兩個女兒先後出生,為孩子入學考試張羅,她終於發現家長的「搏命」從何而來,「當你見到身邊啲家長都咁樣做,你會問自己係咪要跟著做,唔跟又會唔會害咗仔女一世?」

廣告

《廢胎》綵排情況
(圖片來源:編劇大搞作! Facebook)

《廢胎》綵排情況
(圖片來源:編劇大搞作! Facebook)

廣告

數年前,Ada 安排長女入讀自己任教的學校。她自問學校老師有心,又有足夠空間發展,但偏偏給女兒「跟功課跟得好辛苦」。對比同班同學,其他人都跟上進度,學習愉快,她問自己:「到底爭咗啲乜?」兩年後,細女也考入同一小學,卻沒有出現任何問題。細女讀得開心,媽媽亦不用「跟功課」。

同一個家庭長大,同一間幼稚園畢業,兩個人升讀同一間小學,卻有如此不一樣的反應,讓 Ada 親身經驗何謂「每個小朋友都唔一樣」。她決心安排大女轉校,轉到以自然教育為主的另類學府。沒有功課壓力之下,大女專注繪畫,一畫就三數小時,更言日後想做時裝設計師。她形容,大女轉校之後猶如「脫胎換骨」,道:「如果唔係好辛苦咁讀咗兩年,都唔知道原來嗰個方法唔啱佢」。

《廢胎》綵排情況
(圖片來源:編劇大搞作! Facebook)

《廢胎》綵排情況
(圖片來源:編劇大搞作! Facebook)

Ada 強調,家長與子女一起成長。了解孩子,才可找到適合他們的教育方式。親身體驗教育之苦,她覺得「唔係學生或學校嘅問題,而係錯配」。她借用網上流傳的《動物學校》故事作喻,學生猶如動物,各自擁有不同的長處,強迫所有動物追逐單一的「爬樹」指標並不合理,「但好多人覺得成個社會只有樹,唔識爬樹死硬,定係其實你選擇只係見到樹呢?」

因此,Ada 繼去年《石頭記之誤墮現代教獄》之後,再次動筆書寫新作《廢胎》。她笑言,教書的人話很多,總有說不完的道理,將個人見聞經驗和想法化成劇本,希望作為「育兒錦囊」,供不同取向的家長參考。「家長做乜都係出於愛。」她不怪責家長,明白他們的難處,憐憫他們的處境。藉著個人育兒心得啟發的劇作,她希望拉闊觀眾眼光,提醒家長「樹以外嘅更多選擇」,道:「讀書考試唔係唔啱,但都要視乎小朋友嘅能力傾向,唔可以用一套標準睇曬所有人」。

 

發表意見