立場新聞 Stand News

有想像 改變就會發生 — 訪「e 男神」王宗堯

2016/4/5 — 14:17

王宗堯係個好特別的例子,因為佢好似寬頻的廣告一樣,入到屋,而佢又唔係靠賴CCTVB的霸權系統,而係靠網上連續劇備受注目,而前年開始的佔領運動,佢嘅立場、參與成為爆紅位,威左因為真係戴咗頭盔。

有趣的是,有別於明哥、HOCC,佢嘅發展竟然無乜受影響,這或許與簽了邊間經理人公司有關,而登陸電影圈後很快便當上男一,劇本都係根據網絡小說改編,佢嘅運似乎同社交網絡、論壇共生,佢算係名符其實的e-男神。

廣告

傳統節目根本滿足唔到觀眾

亞視熄機,令我想番起電影《Truman Show 》的尾段,當戲裡觀眾目睹一個歷史悠久的真人騷,終於告別,一下傷感,二話不說便是轉台,繼續「電視撈飯」;當香港周三又有一個新免費頻道出場,沒有太大期待,多少帶住一份矛盾去觀望,等左幾年,吵鬧下終於有新頻道睇下,但以頻道呢種運作模式會否舊了點?

廣告

「大氣電波已經不能fit in 生活,很多人屋企部電視都封了塵,傳統節目根本滿足唔到觀眾」王宗堯認為網絡先係未來,當差不多家家都有盒子,而電視台都已經俾盒子食左,真人騷都興左十幾年,還拿出來當鎮台寶,創新力水似乎真係有限公司...

點解「負起社會責任」變成「風格類型」?

王宗堯不嬲都有自己睇法,這亦是佢俾人like 嘅原因,中間路線係冇市場嘅,「演員係有社會責任嘅,好萊塢演員常為公平競爭、兩性和環保發聲。」王宗堯呢套想法沿襲西方,可能同佢係英國受教育有關,香港藝人尤其簽左大台約,自己醒目,知道點講最安全,更有趣是呢份基本社會責任,係香港竟然慢慢發展成為一個疑似音樂類型,直接點說就是「社關」,明哥、HOCC和謝安琪都係箇中代表,諷刺否?

「外國公眾人物時常俾人拎出嚟玩、講笑,但佢地笑笑口,冇野,咁樣不但拉近同民眾關係,也可俾機會大家宣洩下。」男神講野係啱聽,如果佢走出嚟選,實撐佢!

對未來要有另一番嘅「想像」

當香港人嘅政治意識已經愈來愈強,大家都知道外國有人權,權利需要爭取,電影《選老頂》跟《十年》一樣,都想用電影為香港做番d野,王宗堯飾演豺狼,是社團後起之秀,跟阿七(杜汶澤 飾)要爭著做話事人,豺狼的名字很容易叫我對號入座,但他只是典型黑幫壞蛋,沒甚麼江湖道義,一切金錢至上,社團明顯係社會嘅比喻,「當社團下線都有智能電話,民智就會開,期望一人一票選話事人係好自然嘅事。」

王宗堯認為下線加入「社團」後,都希望可以看見未來,《十年》引起大家注意,獲得金像獎最佳電影,因為讓觀眾能夠「想像」到未來是甚麼光景,「其實香港演藝圈都需要新嘅衝擊,一些群星拱照嘅電影,係會賣座...」王宗堯認為故事先最重要,唔係一味靠賣星味,訪問期間,未頒金像獎,金像獎過後,香港電影的未來可以有另一番嘅「想像」。

發表意見