立場新聞 Stand News

林欣傑 deTour 新作 互動人造雲有人問價有人偷

2015/12/3 — 15:09

Keith Lam, Landscape of Cloud (2015)

Keith Lam, Landscape of Cloud (2015)

「好少做作品,個 form 會咁靚,平時(我的創作)通常都係殘缺或者冷血嘅狀態。」新媒體藝術家林欣傑 (Keith Lam) 如此形容,參展今年 deTour 的新作──《雲圖景像》 (Landscape of Cloud)。

作品自上星期四展出以來,雲朵像真度之高,吸引不少討論,甚至有藏家出口問價,然而裝置零件卻在開幕翌日被盜,即使已經進行修復,但 Ketih 向《立場新聞》直言:「成件事宜家其實唔成立㗎啦!」原意鼓勵互動的裝置,最後流落如斯田地,創作人感嘆:「有一種 interaction 叫做偷。」

一年一度的設計節 deTour 上周四在 PMQ 開幕,Keith 的《雲圖景像》亦在同日開始運作。作品由九組投影裝置合成,其中包括 2米乘 1 米大的雲狀雕塑和高射投影機 (overhead projector)。

廣告

Keith 解釋,作品意念源自雲端科技。觀眾可於投影機的面板上,放置任何物件。感應器析別該物件顏色後,觀眾只要攪動旁邊把手,顏色便會「上載」到雲狀雕塑上,改變雲朵顏色。Keith 說,作品終極訊息是「我哋真實同虛擬嘅空間,已經 mix 埋一齊。」他解釋,裝置操作原理一如我們平日上載相片至 Facebook 或 Instagram,「其實都係 project 緊我地個 personal status 上雲端,即係一個虛擬世界」。

Keith Lam, Landscape of Cloud (2015)

Keith Lam, Landscape of Cloud (2015)

廣告

「呢件係我做過嘅作品之中,最在地嘅一件。無咩層次,但反而大家比較喜歡睇,好得意。」Keith 形容前作狀態多為「殘缺」或「冷血」,今次雲朵雕塑尤其討好觀眾,甚至有藏家主動查詢售價。「我嘅作品,從來無 museum 或者 gallery 主動接觸話要買,但今次有,原來係齋買靚嘢嘅」。Keith 笑言,當代藝術傾向概念討論,沒想到市場對形式美觀需求仍然殷切。他又透露,問價者不乏大陸買家,有人問「可否只要一部」,亦有人問「可否只要嚿雲」,但強調出售與否,視乎買家能否保存作品的整體性和創作原意。

一切好像很美好的時候,但惡夢卻在開幕翌日發生──上載實物顏色時使用的 9 個把手中,3 個被盜,3 個被毀。

「現場消息話 opening 當晚係唯一一次正常 function 到嘅時候。」Keith 收到消息之後,周六立即到場進行「急救」。更改程式之後,裝置可在沒有把手的情況下,直接抓住實物顏色上載雲端。作品雖然可以運作,但創作人認為與原意的距離拉開了,「本身係 capture 咗實物顏色之後,再用手把一路攪,先會上到舊雲度,係慢慢送上去,但現在完全做不到,成個上載過程無咗。」

多次參與新媒體展覽的 Keith 指,互動作品早有「玩爛嘢」的預算,而今次《雲圖景像》也準備了兩個後備把手,「但偷,好老實,真係未試過。完全沒有諗過有一種 interaction 叫做偷。或者唔係偷,係佢以為攞得掛?」他憶述作品零件被盜時的心情,是「好笑」多過好氣。策展人覺得不可思議之際,Keith 仍可安撫一句「welcome to Hong Kong」。他表示,無法判斷誰人偷走把手,更無法想像把手離開裝置之後有何用途,笑言:「希望佢哋拎返去有用啦」。

《雲圖景像》在 PMQ 的展期將於本周末結束,但裝置體積之大,儲存安排早已叫 Keith 大喊頭痛,「係香港做裝置本身就難,做完更加無位收藏」。可幸的是,有人表示有意再次展出作品,《雲圖景像》暫時避過「堆填區見」的命運,「先搵個地方先收起先,但我屋企就無咁大地方啦,要努力搵幫手。」

發表意見