立場新聞 Stand News

為何設計師要參加設計比賽?

2016/1/29 — 16:25

以下是「一句話激嬲設計師大賽」候選作品:

「個concept係幾好,但老闆話個design好抽象,睇唔明,可唔可以改到畫公仔畫出腸啲?Logo大三倍,字體用粗體,用wordart執執佢。」
「可唔可以幫我整個design?三日交三個draft俾我睇下。報酬方面,會upload上公司Facebook,個page有成兩千人,會為你帶來曝光率。好簡單,你一個鐘就搞掂啦。」
「乜你做到通頂?你哋呢行creative人個個都鍾意通頂、夜晚特別多idea。」

設計師應付第一、二句話自有他的辦法。至於通頂,設計師表示:其實他們不是貓頭鷹,有得揀都想早睡早起跑步睇戲。通頂是為了在有限的時間內,竭力交出最有創意、最完美的作品。

廣告

設計師挑戰夜限,只希望換來市場和社會的肯定。不過,除了做 job 外,其實還有一個方法可以取得認同──那就是參賽。

英國設計機構 IDI (Interactive Design Institute) 曾撰文講述參加比賽對平面設計師──以至每一種設計行業──的重要性。該機構認為,比賽與設計師的名聲有莫大關係,認為比賽可以為設計師締造事業突破,直言那是「你(設計師)應從事業開始就設定的目標」。

廣告

「為你自己建立好名聲的一大方法,就是參與比賽。」

除此以外,設計比賽也是自我鍛練的良方。一方面,參賽可以成為設計師及其團隊的挑戰──幫助大家在激烈的競爭中,發揮創意。去年贏得「香港設計師協會環球設計大獎2013」的多媒體設計師黃浩賢就曾說,他享受參賽過程,因為比賽給予他與其他行家競爭的動力。

激發鬥爭心外,如果比賽是個重要獎項,邀得的評審是傑出設計師,參賽則可製造設計師與評審交流的機會,讓自己的作品面對頂尖設計師的洗禮。當然,說到交流,除設計師與評審之間的溝通外,少不了的還有參賽期間各種各樣活動。這些活動能讓你與設計同業接觸,獲得傳媒關注機會,甚至開發出新的商機。

話說回來,參加設計比賽好,不過參加哪一個,又是另一問題。國際比賽來講,例子有如德國著名設計協會Design Zentrum Nordrhein Westfalen於1955年創立的「紅點設計大獎(Red dot design award)」;同樣是德國舉辦的「If產品設計獎」;專門為工業設計而設的美國「IDEA (Industrial Design Excellence Awards) 獎」等。上述三獎都是國際享負盛名的獎項,並稱為世界三大設計獎。

除此以外,著名的還有日本  Good Design Award、以網站為對象的威比獎 (Webby Awards) 等。香港方面,亞洲最具影響力設計獎、環球設計大獎、本地設計新力量等,都是值得關注的獎項。

那麼到底應該參加邊個?H 小姐個人想法是,揀比賽有四大 Criteria──

1) 有歷史:設計獎,講到尾都係要獲認可。如果係新獎,老老實實,寫落 Portfo 都無人知你乜水。

2) 有規模:牛頭角下邨設計獎?嘉湖山莊年度最佳設計師?咁細,鬼理你咩,講出來咪俾人笑啦!設計獎,當然規模愈大就愈 sound。

3) 評審要夠堅:梁振英做評審,掂唔掂?馮煒光做評審,掂唔掂?梗係唔掂啦!呢家係設計獎,你估最受歡迎政府官員大賽咩?正如袁國強決定起唔起訴湯顯明,都要將個波推俾英國御用大律師啦。設計獎,當然有一班資深評審坐陣,先有公信力。

4) 來自本土:設計師的舞台當然是全世界。不過,在本土獲獎又有另一意義:它說明你的根,始終來自某個地方。《明報》兩年前曾訪問過香港設計師協會環球設計大獎得獎者羅曉騰 (Ken Lo)。他就曾說,獲獎對他來說是來自本土的認可──正如一個香港演員,就算在海外贏得了奧斯卡,香港電影金像獎始終也在心中佔有一席位。

能滿足上述四個願望的,非「香港設計師協會環球設計大獎」莫屬。這個獎項歷史可追溯至 1975 年,現時已是亞太區最具規模的跨界別設計比賽。評審方面,今屆包括Mara Binudin(AKQA副創意總監、被Mashable選為廣告界未來十五大新星)、川村真司 (Party Inc. 創意總監及共同創辦人)、Tobias van Schneider (House of Van Schneider 創辦人及設計師)、Patrick Bruce (Oval Partnership 總監)與及三木健 (Ken Miki and Associates 創辦人及設計師)。

擅長趕deadline的你,留意住「香港設計師協會環球設計大獎」報名deadline為2月20日!其中一個獎項:Design NextGen Awards (DNA) 更是特別為學生而設。報名費用全免!報名詳情可到官網查詢。不過建議各位deadline fighter不要等到最後一刻才又做通頂至半夜11:59才上網報名,因為要親身到香港設計師協會交實物喔!

想在香港以至世界響朵?飛雲!機會嚟喇!

 

(本文為贊助內容)

發表意見