立場新聞 Stand News

玩轉莎士比亞 《馴悍記》喻中港關係

2015/6/10 — 14:22

(圖:大舞台劇團 facebook)

(圖:大舞台劇團 facebook)

中港關係嘅比喻咩花款都有,最多人講係阿爺同失散左好多年嘅仔;亦都有人話,香港好似嫁第二次,英國紳士被離婚之後,被再婚中國土豪。講就有人講,最近大舞台劇團仲搬埋入文化中心,借用莎士比亞名著《馴悍記》,比喻中港關係。

如果你有讀過下莎翁,應該都大略知道《馴悍記》係一部喜劇。劇情簡單啲講,就係一個有錢佬,有兩個女。細女成個女神咁,一街都係兵;但個大女就剛剛相反,脾氣出名臭,無人頂得順。老父好想快啲嫁女,但又唔想打亂次序,希望幫大女搵主好人家先。呢個時候,神奇嘅事就發生喇!有個男人上門提親,仲不特止,個男人將大女調教得貼貼服服。

香港女多男女講左好多年,兩地跨境婚姻亦都愈來愈多,不再只是以前果種老父少妻。編導李偉祥將四百幾年前,莎劇嘅劇本反轉再反轉,以「港男 vs. 大陸女」的格局,諷刺宜家嘅中港關係。中國大陸就好似悍婦咁,要求多多,又西口西面;但聰明嘅港男總係諗到辦法應付,係舞台上為香港人爭取返少少面子。

廣告

主演嘅鄧偉傑同埋黎玉清,都曾經獲得舞台劇的男女主角,實力有目共睹。加埋林超榮、邵子風等人嘅友情客串,更加係幽默搞笑。

成日話,藝術可以實現不可能嘅可能,《現代馴悍記》正好就係我地面對中港矛盾時,情感上嘅出口位。每日係現實中遇見喼神,即使心入面有幾多埋怨,都是開不了口讓他知道。舞台上嘅一齣喜劇,輕輕鬆鬆不笑不散之餘,或者都可以為關係嘅困境帶來一點啟示。

廣告

(本文為贊助內容)

發表意見