立場新聞 Stand News

【畢業展】後雨傘的一代視藝畢業生

2015/5/20 — 14:36

(圖:浸大視藝畢業展2015 | HKBU AVA Grad-Show 2015  facebook)

(圖:浸大視藝畢業展2015 | HKBU AVA Grad-Show 2015 facebook)

早排未落雨,好多人周末出去影花。有朋友拎番上年係浸大視藝啟德個校園啲相出黎,滿枝鳳凰木好搶眼,原來咁又一年,又係畢業展嘅時節。因為雨傘運動,今年好似特別長,對於學生來說都應該一樣,甚至感覺比我要深。經歷社會變革之大的一年,這一代畢業生到底會點樣看待自己的畢業展?

記得佔領區有好多藝術作品,大家嘅創意好似從來都有咁嘅展示機會,然後一次過爆發出來。當日好多裝置都出自視藝學生雙手,例如係政總天橋嘅「百家遮」就係浸大視藝生嘅作品。學院上下全民皆工地,又車衣又縫紉,一針一線將他們對運動的希望,以一把「百家遮」跟大家一起撐。

課,罷了;功課,也可能沒有時間去理。2015 年重新出發,浸大視藝本科生回歸創作最親密的朋友──「工具」。靈感是抽象的,可能一閃而過,唯有透過工具,創作人才能將意念實踐。藝術家與觀眾藉著作品進行溝通,溝通背後工具是重要的媒介。今年 107 名畢業生,將集合「N件工具=N個靈感+N個過程」,再端出一個展覽。

廣告

展覽以外,仲有一系列嘅活動,好多都同手作有關,例如陶碗製作、布包 file、木架,帶觀眾走出展廳,親身體驗人工手造的樂趣。維他命 D、AVA Award 和 Tuna Prize 嘅評審都會舉行分享會,跟大家分析今屆畢業生的作品,再選出優異作品。其中一個講座,又直接回應雨傘運動,探索藝術和政治之間的可能。

佔領區,曾經係同學們創作、展示作品嘅地方;今日場已清,但他們藝術的路,才剛剛開始,還有悠悠歲月,等著他們慢慢去玩。五月就快來到尾聲,可到視藝院賞花,也請記得順道去看看學生的作品。正如呢排,有人話「種乜鬼野日本櫻花,香港都有靚野」,藝術也一樣。除左可以去會展、酒店啲場之外,點解唔花啲時間係本地野,支持一下本地新進藝術家呢?

廣告

--

香港浸會大學視覺藝術學院本科畢業展 2015

日期:2015 年 5 月 29 日至 2015 年 6 月 21 日

地點:浸大視覺藝術院(九龍觀塘道 51 號)

本文贊助內容

發表意見