立場新聞 Stand News

關於 art supplies 結業的一些看法

2019/5/1 — 11:12

圖片素材來源:專業美術用品有限公司 facebook

圖片素材來源:專業美術用品有限公司 facebook

【文:John Ho】

編按:作者為香港插畫家,其作品包括「肉肉熊」。他堅持用厚厚的顏料作畫。以下為他對專業美術用品公司結業的看法。

想講art supplies結業我嘅睇法⋯⋯ 

廣告

香港做藝術好難搵食,尤其喺而家呢個呃like嘅年代。所有嘢要快、要有共鳴,即使你畫得唔靚,但主題攞到大家共鳴,就會成為受歡迎嘅畫家。你畫到名畫咁,都唔會夠畫同時代接軌主題嘅畫產生嘅回響。因為網絡教育到啲讀者品評畫嘅要求下降,著重共鳴多過畫功。

當然,話就話做藝術係唔需要太理人點睇,但我都要生存。當一啲零畫功,靠共鳴受歡迎嘅「藝術家」都有好多工作機會......你就知like數對行業有幾重要,而個時代真係改變咗。

廣告

當初我講過堅持手繪,因手繪有人情味、有質感啲。後來留意多咗電腦繪畫,發現電繪技巧高超嘅人可以做到近手繪效果,堅持用傳統媒介嘅我都會動搖。

當然,電腦已經係一種繪畫主流媒介之一,冇話手繪就高尚啲。

不過香港人要快、要共鳴,咁生產「藝術」嘅就會向呢個方向發展。

要快就唔係用傳統媒介畫,咁美術用品公司生意大下降係無可避免。

圖片來源:肉肉熊Facebook

圖片來源:肉肉熊Facebook

圖片來源:肉肉熊Facebook

圖片來源:肉肉熊Facebook

發表意見