立場新聞 Stand News

對中共來說,所謂的好朋友,就是要你做契弟

2016/10/16 — 16:00

中共的好朋友,中國人的好朋友?

香港人的好朋友?香港人的中國人身份?

其實好多同中共政權曾經稱兄道弟嘅政權同政治人物,都可以話係人類歷史上如假包換嘅契弟。以前羅馬利亞嗰個壽西斯古,被人民推翻及槍斃前不多久,中共還公開保證會繼續支持他。

廣告

仲有嗰個「巴爾幹屠夫」米洛舍維奇,此人在二十多年前因為南斯拉夫分裂而造成嘅巴爾幹戰爭中,犯下嚴重嘅戰爭罪行,最後被控以反人類罪。在他領導及鼓動下,大量屠殺其他非塞裔人。他不斷挑起族裔及不同宗教信仰嘅社群間的矛盾,最後甚至「開倉派槍」,叫境內嘅塞爾維亞平民,去獵殺其他非塞裔人。佢干犯這些人道及戰爭罪行的時候,就曾經在1997年訪問中國,獲得當時嘅中共總書記江澤民以元首級禮格接待,大壯佢嘅聲威,重要話全體中國人民都係佢嘅朋友。

北韓就無需多講啦。中共口口聲聲話唔應該干預別國內政,但中國人歷史上到依家,都不斷干涉朝鮮內政。中共立國之後,以抗美援朝之名,利用韓國分裂,利用北韓這個瘋狗家天下政權冇朋友,撈盡了國際政治的好處。

廣告

對中共來說,所謂好朋友,就是要你做契弟。只要你支持中共係中國唯一合法政府,只要係承認一個中國原則,咁哋呢D所謂中國人民的好朋友無論係做盡天下最邪惡的事,都會得到中共支持,仍然都是中國人的好朋友。中共甚至會向呢D流氓政權提供各種支援,讓他們繼續作悪。還會利用中共在聯合國安理會的否決權,阻止國際社會介入。

這樣一種「好朋友」觀,令所有中國人無端端做咗很多罪惡的幫兇,柬埔寨就係最好例子。半世紀前,中共首先就收留咗被龍諾將軍推翻嘅施漢諾親皇,留佢喺北京,以上賓規格款待佢,讓他過著花花公子嘅好日子。到龍諾被推翻,中共就支持波爾布特領導嘅赤柬政權。視波爾布特、喬森潘、農謝等人為毛澤東嘅好學生、中國人嘅好朋友。阻攔施漢諾回柬埔寨親政。赤柬1975年取得政權後,在幾年之間屠殺了柬埔寨3分之嘅人口,包括97%教師、七成醫生、六成工程師,加起來近七年知織份子。中共仍然當佢哋係好朋友。到中共跟越南交悪,中共利用赤柬牽制越共,向赤柬提供軍火,實際上令佢地繼續有能力在國內繼續屠殺自己嘅人民。當赤柬巨頭近年在海牙國際法庭受審嘅時候,其實中共政權嘅高層亦應該受到審判。中共呢個好朋友其實係屠殺柬埔寨人民嘅幫兇。後來赤柬政權被越共打敗,逃入森林,中共繼續響向這個政權提供軍火。另一方面,原本係赤柬將領嘅洪森,因為自己知道違反軍紀會被追究,唔係因為良心發現而背叛赤柬。中共有轉 為支持佢,又成為咗中國人(中共政權)嘅好朋友。當時赤柬已是強弩之末,中共希望利用洪赤森取代赤柬,於是推動洪森同施漢諾結盟,抗衡越共。中共三面逢源,一方面繼續支持赤柬,一方面養住施漢諾,阻礙其回柬蒲寨親政,一方面扶植洪森,令中共成為柬埔寨嘅幕後大阿哥,真係冇得輸。30年來,洪森同施漢諾的兒子親王權鬥不絕,都係得對中共支持。柬埔寨政府貪污腐敗,比中國更甚。洪森原本係赤柬屠殺集團嘅從犯,一直都係柬埔寨嘅最高領導人,一直都得到中共政權支持,一直都係中國人嘅好朋友。

洪森是屠殺行為的從犯,四十年來壞事做盡,今天貪污腐敗,暗殺異己,卻是中共長期的好朋友。從很多方面看,柬埔寨今天是東南亞國家中最絕望嘅一個國家。整個國家人民沒有發展動機、沒有發展動力、也沒有明顯的發展條件。但它曾經是東南亞最繁榮、最強大的一個政權,是東南亞文明的搖籃。弄到今天田地,除了是殖民地的歷史罪行,東南亞國家之間的戰亂,及持續多年的內戰之外,中共這個政權、中共這一個好朋友,也是罪孽深重。

最近習大大訪問柬埔寨,稱中柬「肝膽相照,情同手足」,又照例宣布免除部分債務,另外又撥咗幾十億美元俾佢,美其名就係支援柬埔寨重建同發展,實際上係對執政集團賄賂,其中唔少大家都心知肚明會直接落咗洪森個袋,令佢成為中共嘅附庸,在東南亞事務及南海問題上,長期站在中共一方,完全沒有國家自主的觀點。

如果你能夠站在中共或中國人的利益立場來看,洗少少錢,買到個奴才幫你做跑腿,在國際政治角度有何不可?只要你不計較是非判斷,不分善惡好壞,同意國際政治就是這樣,講的不是價值邏輯,講的是實力,這又有何不可?柬埔寨窮,關中國人乜事?這是Dependency Theory 的最佳演繹。柬國繼續窮,繼續依賴中國這個好朋友,對中國人最有利。在中國大陸,中共這一套邏輯及觀念,上至高幹官員、知識分子、大學教授、海歸精英、研究人員、以至平民百姓,很多都深信不疑,甚至拍掌叫好,中共英明,以此說明中國人站起來了。

這就是中共特色的所謂「好朋友」,唔係嘍囉,就係欄攤,總之都係契弟。當然到了今天,百駒競走,成王敗寇。米洛舍維奇死在獄中;赤柬領導人死的死,或成為國際法庭定罪的重犯。中共已經盡量避免再提及這些曾經是中共的好朋友,中國人的好朋友。今天中共政權雖然不時把「孔夫子」枱出來,處處要搞孔子學院,弘揚儒教文化。但孔夫子教導的「朋友之義」,顯然不包括在內。現在於國內的網站,就連要找一張中共領導人跟這些中共的好朋友攬頭攬髻的圖片也十分困難了。從從這個角度來看,中共的「好朋友政策」,其實也是十分務實的。

話雖如此,今天中國的政經實力強橫,中共政權腰纏萬貫,走到國際社會也是派頭十足。加入這個「中共的好朋友」大 Party,仍然是十分有吸引力。特別是對那些眼裡錢,又或者是流氓土豪味道十足的政權,都想過癮一下成為「中國人的好朋友」。泰國軍政府及馬來西亞政府都甚有潛質爭一日之長短,依家睇嚟菲律賓這個新總統也希望分一杯羹。希望這不等於是中國人價值觀對好朋友的解釋。從這個角度看,希望Hong Kong is Not China,中共的好朋,這種定義下的「中國人的好朋友」,你會承認也是「香港人的好朋友」嗎?不承認是否就不能算是中國人?

(標題為編輯所擬;作者facebook專頁

 

發表意見