立場新聞 Stand News

巨大的市場當中,錢,好像很容易賺…

2017/1/14 — 16:43

張敬軒(圖片來源:Hins Cheung / Instagram)

張敬軒(圖片來源:Hins Cheung / Instagram)

如果只要公開講一段唯心嘅說話,又或者開個微博,寫返一千幾百字,去為權貴歌功頌德,就可以獲得巨額酬勞的話,你會唔會動心?

有些立場,在沒有引誘(或威脅?)的情況下,當然可以企得好硬。但當極大的引誘/威脅出現,其實個性需要有幾硬淨,先可以真正把持得住?

在大陸的生意圈混了好一段日子,遇過無數次既荒謬又凶險的經歷。唯一慶幸的,是還未遇過要出賣良心的事情(其實出賣良心也要講「級數」的,我這些小生意人應該還未夠班吧。)。在未來的日子,我也不希望遇上。當真正面對人生交叉點,你總會想:「喂,講兩句擦吓鞋遮,其實都唔算係咩傷天害理嘢吖…」又或者,「查實我講唔講,寫唔寫,現實都唔會改變架啦,擦鞋仔多我一個唔多嘛…」,再唔係,我將要講嘅statement,作得隱晦一啲,牆頭草一啲,咁吹我唔漲啦掛?要知道,講幾句,就有巨額酬勞;再講多幾句,可以脫貧,仲有望步向富貴,誘因,老實真係好大。

廣告

這些事情,有人覺得是機會。但無論如何,這是一件必定會讓將來後悔的事情。當你在這些「機會」來臨之前,已經有返咁上下富貴的話,決定大概還比較容易做。若然不是,金錢抑或風骨,不論你揀前者或後者,若干年後回望,我想都總會覺得隱隱作痛。有些「機會」,還是永遠遇不到比較好。

在巨大的市場當中,錢,好像很容易賺。我相信這是錯覺,原因是,對比之下,在香港賺錢更加難。但要在巨大市場中賺大錢,也不見得如此輕易。商業社會裡,當頭一批人食了頭啖湯發了大財之後,隨後而來的,往往都是食塵的居多。最終結果,是一個個都變成了兩面不是人。

廣告

 

原刊於作者Facebook,標題由編輯所擬

發表意見