立場新聞 Stand News

621,向狗肉節說不

2015/6/20 — 14:08

圖片來源:作者廣告朋友提供

圖片來源:作者廣告朋友提供

狗狗自白:

「我承認,我係樣衰咗d,但其實我內裡溫柔,隨時仲可靠過「豬一般隊友」,你哋千祈唔好食我。我咁驚,係因為明日就係一年一度狗隻大屠殺的血腥日,一場風腥血雨的「玉林狗肉節」即將降臨,讓大家見識中國人「舌尖上的邪惡」。

那一日,好恐怖,賣狗嘅人,手起刀落,一日殺一萬隻狗。你鬧佢哋無良?他們只會反噗一句: 「狗係畜生,我食得起,你吹咩? 」我講嘅呢班人,就係一班係中國有錢就大晒的人,喜歡食狗肉,就食狗肉,食得興起,仲會加多一味,食埋我嘅貓貓朋友。所以,每年六月,一車一車的貓狗都會被押送到玉林刑場,等候發落。人的美食節,成了貓狗的生死劫。

廣告

為了阻止這場大屠殺,今年係美國就有愛護動物組織發起「阻止玉林2015」運動 (#Stop Yulin 2015),短短一個月係Twitter已經有25萬條Tweets,仲有一班中港明星加入抵制。係香港,亦有廣告人發起 「拒絕食貓兄狗弟」 行動 (圖一),之前,「亞洲動物基金」都出了一系列的 “Be healthy. Say no to dog and cat meat”廣告 (圖二),叫大家唔好食呢班「毛茸茸的好朋友」。呢個世界有咁多人支持我哋,真係好令貓狗滾動。

不過世事就係咁,你有你繼續反,我有我繼續劏。玉林當局堅持繼續舉辨狗肉節,話係當地傳統文化,狗肉取其滋補,辟邪之長,無理由無端端取消,最多只係文明地下令公務員唔好公開食,要食就匿埋屋企食。但其實狗肉節根本就唔係咩傳統文化節日, 而係一班奸商自己創作出黎。

廣告

事緣係2009年玉林旅遊美食節,一道玉林脆皮狗肉,竟然得到美食比賽金獎,之後有頭腦的人就順水推舟,搞了個「玉林荔枝狗肉節」,從此貓犬不得安寧。有奸商仲好有創意,話要將狗肉節申請成為「玉林非物質文化遺產項目」,食狗肉食到咁自豪,應該都係中國獨有。

我曾經聽過一個真狗真事,一個無恥狗主人煮了狗媽媽的一堆狗仔來吃,仲扮好心,將剩低的骨頭拋給狗媽媽。狗媽媽嗅著骨頭,吞不下,眼淚一直流。其實,狗和人一樣,都有喜怒哀樂,知道咩叫忠勇仁愛,係有感情嘅動物。狗狗可能只是主人生命中的過客,但主人卻是我們生命的全部。

明天就係貓狗大難臨頭的日子,請大家一齊向狗肉節說不,幫下一班貓兄狗弟。雖然我們力量薄弱,但如果人類都相信雞蛋會有打倒高牆的一天,我相信,狗肉節也有天會在地球上消失。」

圖片來源:亞洲動物基金

圖片來源:亞洲動物基金

 

發表意見