立場新聞 Stand News

記德輔道中「非常()德」

2016/9/26 — 13:52

攝:朝雲

攝:朝雲

【文、圖:朝雲】

25/9 德輔道中(Very DVRC)、中環海濱(ifva影像嘉年華)

(一)

廣告

(二)

廣告

雨傘文宣伯伯遭指罵

***

雨傘文宣伯伯趁著活動,特來開咪,遭不同政見者指罵。

伯伯為雨傘運動辯護:「我係英國統治下嘅環境脫左貧,而家啲後生仔脫唔脫到貧?」

男人上前指罵他:「只係你好彩!」伯伯毫不畏懼,繼續自道身世。

「我都係揸鎚仔出身。。。但社會俾左機會我,我唔可以忘本!」

雙方爭論惹來群眾圍觀,男人再沒有逾越舉動。

伯伯侃侃談論香港的教育問題,包括基層子弟缺乏資源比拚應試教育、過多學額分配予陸生等。

「咁咪要出聲囉!」

伯伯結束演說後,市民一起助他收拾。他翻開筆記本,每一頁都密密麻麻。

他說矢志不懈到街頭演說,因為空言民主自由多好沒有用,「要將自己嘅故仔講出嚟,同而家作對比,容易說服佢地」。他說要落地,令市民在生活上亦有所反省,關心社會才有用。

(三)

特色攤位:軸物行者

***

原來軸物行者的緣起,就是另一成員 Gary 自製電動三輪車被捕*,卻因揚名的機緣巧合,會聚到一班志同道合。(

一眾改裝達人,將廢棄的零件改頭換面,得以重生。例如腳踏的咖啡磨豆機、輪椅與單車合體的三輪車、和舊車軚製作的花槽。

「土瓜灣有過百車房,我地咪執佢地拋棄嘅舊車軚,切開一半,就可以種花。」 成員之一 Wing Chun 不無自豪:「好老實,好睇過區議會啲花槽掛。」他強調所有東西都是手作,並和社區居民一起製作,「與其買嘢,不如善用垃圾,化為社區資源。」

 

(四)

主辦機構之一:健康空氣運動(Winnie)

***

問:為何要爭取德輔道中成為行人專用區?

Winnie:香港街道的人車空間比例完全不平均,所以我地希望德輔道中成為試點,變成永久的行人專用區。

Nothing is possible until it is all done。如果徒有想像,大家一定覺得「冇可能」,但體驗過以人為本的公共空間,香港人值得擁有更好的行人環境,更好的生活質素。

***

問:儘管德輔道中封路,但為折中,橫穿大道的小路仍然通車,行人專用區無法連貫,顯得擠擁。來日果真落實,必定會被批評人車爭路。你怎樣回應?

Winnie:阻住交通背後反映的,正正是以車為主的思維。車係大哂,要車讓路就係問題。

我地提倡行人專用區,就係希望大家反思,香港的城市發展過分側重於車。

未來的城市規劃,要兼顧可持續發展,步行是其中一重點,比如紐約的百老匯大道,倫敦的牛津街,國際城市都有決心將核心地段劃成行人專用區。

中環作為香港的核心地段,在政經文化都有重要位置,一樣可以唔再依賴路面交通,以行人為先。

***

問:除了德輔道中,還有什麼地方可以轉成行人專用區?

Winnie:如果連德輔道中都解決到眾多技術問題,其他地方一樣可行。

市民或者會擔心緊急事故、大廈維修等問題,但都有方法解決。另一途徑就係將若干馬路,撥歸予單車使用,倫敦就是這樣做,叫「單車公速公路」(Cycle Superhighway),鼓勵市民踩單車返工,安全亦得到尊重。

 

原刊於作者facebook

發表意見