立場新聞 Stand News

一個尖沙咀星光大道的雙贏方案 — AQU-E-SCAPE

2016/3/22 — 21:26

AQU-E-SCAPE(海天一息)係筆者一年多前提出的方案,建議在尖沙咀星光大道設立泳棚、藝廊等供大眾享受維港,這設計未能脫穎而出,當時不明所以,但近個多月有關星光大道和泳棚的激烈討論反而解了筆者的困惑。

結論似乎是:

1. 尖沙咀海濱唔需要優化  x  2. 在維多利亞港設泳棚是癡人說夢

廣告

雖然如此,請容筆者推介吓AQU-E-SCAPE。

廣告

泳棚/泳池設在海/湖邊在蘇黎世、哥本哈根、波圖都有例子,有否時間食晏去游真係重點?本人當年在巴塞隆拿留學,就有趁食晏時間行出海灘游水喇,時間安排事在人為,但公共空間要改造就難了…作業註冊建築師,筆者認為透過城市和園境設計以改變大眾對公共空間的實踐及要求尤關重要。維港海水水質不適宜作泳棚,但君知否西環有一泳棚,且早建於六十年代,現時仍是街坊與哥哥姐姐游早水的好地方。

AQU-E-SCAPE建議的方案更無須涉及維多利亞港海水問題,因為Harbour Bath使用的其實是由建築本身處理、消毒後供應的合規格泳池用水,Harbour的空間效果是利用Infinity Pool(無邊際泳池)營造的透視錯覺。考慮到私隱和衛生,泳池與星光大道之間亦分別設有緩衝區及緩衝水體,緩衝區分隔泳客和行人;緩衝水體則有助減少潮漲和海水污染對泳池的影響。

冬日,喺海邊嘅AQU-E-SCAPE可以做啲乜。唔洗擔心唗咗咁正嘅公共空間。

事關可以配合泳池本身的下沉空間特性,將Harbour Bath化身Sunken Theatre,配以大梯級座位建築設計,供藝團進行户外表演,星光大道的行人皆可欣賞。真係咁唔鍾意封咗星光大道做工程?AQU-E-SCAPE係細規模的,不但唔洗封哂海濱,而且活化該大型商場前一個未能善用的海水池位置,為市民提供一個最貼近海港的開放空間,零距離感受維港,嚮應日前的地球一小時熄燈活動,觀賞我城天際線和夜空。

有人憂慮泳池會遭內地客迫爆,本人並不排除這可能性,但情願相信有不少管理措施能夠舒緩類似問題。反之,香港人是否有興緻在維港海濱暢泳,反而值得相榷。當年,大眾對開放空間的實踐尚未萌芽時,大家有否擔心,甚至批評外地傭工迫爆公園或行人天橋?其實這一群人似乎比我們「港人」更識貨。維港海水污染問題?應該較大家對城市設計的落後概念容易解決吧。說真的,可能閣下最擔心的,是在尖沙咀鬧市一角穿著比堅尼。

發表意見