立場新聞 Stand News

國旗另類解讀 冷嘲熱諷你又明幾多?

2018/8/17 — 15:08

國旗可遠觀而不可褻玩,係有官方設定嘅象徵意思同解讀。不過今日我係網上,發現有外國網民少理乜野官方唔官方,國旗五顏六色,一於各花入各眼,各有各解讀。事先聲明,網民解讀的內容創意滿分,純屬惡搞,輕鬆講下笑,唔洗嬲嬲豬嘅。

講意大利就好易諗起Pizza,所以意大利國旗嘅顏色,綠色代表Oregano香草;白色代表Mozzarella芝士 :紅色就係Tomato sauce。呢三種配料,加埋餅皮,就可成為最簡單嘅Pizza啦。

廣告

提到美國,當然要提到自由民同平等嘅精神。國旗中,紅色代表抗爭和革命而換嚟嘅自由; 藍色代表權利。 紅、藍皆為「三原色」之一,是千百種顏色嘅「基本」,但偏偏缺少最後一隻原色,黃色,指為「不干預其他國家事務」。我明美國係英語國家,唔熟中文文化唔見怪。不妨教你一句:河水不犯井水。

廣告

 

德國好勤力,國旗上黑紅黃,三隻色都係工作;但少咗隻代表幽默嘅藍色。計我話,如果德國人唔係咁勤力,又點做到歐盟大佬先?不過勤力還勤力,人哋唔係一味得個做字架,德國係年初發生大型工會運動,成功爭取每周工作28小時。工作和生活要平衡,晚晚暢飲到醉都無問題。

至於,開始同美國friend嘅北韓,支國旗有藍紅白三色。雖然三色同法國嘅紅白藍一樣,但唔係代表自由、平等、博愛。如果,旗中嘅藍紅撞上,就變成紫色嘅「基本人權」,但而家似乎未溝得埋住......


其他國家還有: 


 

 

 

原文post仲有好多唔同國旗嘅另類解讀,但我搵咗一排,都未見有我心目中嘅大國國旗解讀,唔知係因為大家都怕侮辱大國嘅國旗......又或者,已經有網民整咗但唔可以post去呢個外國網站......

咁係我哋仲可以去呢個網站時,大家又諗唔諗到我哋支香港區旗可以點?

原文 "People Hilariously Explain True Meaning Of Country Flags, And You May Not Like The Result"

發表意見