立場新聞 Stand News

好設計的阻力

2019/2/8 — 10:06

【文:中央聖學子

赤口,冇理由唔出出 post。網友傳來呢張現場照,相當有趣。首先,完全唔知邊個設計邊個審批,單以設計成品觀察,嘗試客觀理性地「以貌取人」。First impression — 嘩~ 好兒童呀!Sans serif 英文名稱,當中「Children’s」字樣特意填上七彩,再配上七彩華康娃娃體做藍本嘅中文字體標識,係可愛嘅!唔理字距同招牌响大廈外牆嘅擺位是否恰當適宜,我覺得整體係收貨嘅,problem solved 嘛。不 — 過 —,設計係咪就係單純地「solve the problem」就等於搞掂呢?「Design is problem solving.」呢句好多設計師口中嘅「設計定義」,有時可能成為咗好設計的阻力。

設計如果唔理 creativity,其實真係解決咗個問題就得;然而,好設計通常都涉及創新嘅元素。肚餓,食個包飲杯水,其實就已經 problem solved;但我哋好少會覺得咁嘅解決方法係一個好設計。與一般想法同做法不同,而又達到填飽個肚嘅目的,先算係「好設計」。

廣告

我唔清楚邊個決定用娃娃體嚟做「香港兒童醫院」嘅 wordmark,但幾肯定呢個係好多專業設計師都唔願意採用嘅 solution。原因無他 — 太普通、太行、太 predictable、太冇新意、欠獨特性、鳩流 … 等等。而如果想表達「兒童」呢個訊息,彩虹七色亦非唯一之選。呢類所謂金字塔底層嘅概念同做法,通常都係一啲懶惰或經驗淺嘅設計師或極保守客戶嘅 favourite。唔會錯,亦唔會突出,mediocre 就剛剛好。卓越?No way!

香港公共設計,普遍就是如此業餘。
 

廣告

發表意見