立場新聞 Stand News

文學串流的魚與熊掌

2015/10/12 — 13:39

文學串流開幕禮

文學串流開幕禮

話說琴日去鬼左文學串流開幕禮,一入到去,嘩,靜默,跟住差唔多一個鍾嘅致辭,真係悶到嘔血,攞人命咩。再加上場刊入面啲活動資料和程序真係好難搵。雖然排版不錯,整齊舒服,但真係無左節目時間表唔得,堅係唔知成個節目去到邊殊。唔通我地要當本場刊係一本書讀哂佢先得?好在司儀真係做得非常好,得體而且臨場應變能力強。後尾的形體和讀詩活動,都加番哂啲分數。

對比起音樂,我覺得舞蹈更夾詩歌朗讀。加上詩人都會參與身體的表演,頗有趣。詩與舞各有高潮的位置,配合得很好呢。反觀音樂部分卻好像各自爭艷,詩人讀自己的詩,樂手奏自己的樂,似乎沒有交流過,甚至詩人反被背景音樂影響了,也聽不出樂手回應了什麼。主次難分。那倒不如好像最尾的環節,安安靜靜,朗讀完詩歌就算,想像本身就會在觀眾腦袋中打轉。這可能更叫人享受吧。

不過,我都明白,很多古靈精怪的事及其最終所出現的形態,都與各界持分者對文學節不同的期望有關吧。主辦單位、業界、資深及普通觀眾,各自想像文學節應有的姿態,交集之下就變了四不像。這亦是很多藝團在活動策劃上的難處。魚與熊掌,點揀好呢?決策者的功力就變得最重要了。

廣告

文學串流當天還有很多問題,例如關於觀眾的動線預設、關於接待、關於空間運用、關於藝術家演出選定及安排等等,在此不談了。究竟日後文學節活動點定位呢?大家還需密切期待吧!

 

廣告

(文本無題,題為編輯所擬)

發表意見