立場新聞 Stand News

杜琪峯:林建岳唔係拍電影 黃百鳴說法不公 反問「邊個夠膽騎劫電影」

2016/4/6 — 7:36

杜琪峯(電影《樹大招風》facebook)

杜琪峯(電影《樹大招風》facebook)

金像獎最佳電影由《十年》奪得,引發電影圈的爭議。多年缺席頒獎典禮的導演杜琪峯,出席他有份監製的電影《樹大招風》首映禮後,指今年金像獎「好有熱情」。對於林建岳早前批評《十年》得獎,是政治綁架專業,杜琪峯直指他並非電影工作者,「林建岳唔係拍電影架嘛,佢係畀錢拍電架嘛。」

杜琪峯又認為,身為電影工作者不會「綁架電影」,「我哋咁多導演,咁多資深嘅製作人呀,邊個夠膽?呢個係冇可能,如果有,唔該你講個名出嚟俾我聽下,我未聽過,我唔參加唔好當我唔知,你唔好當我懵喎!」

至於黃百鳴批評,《十年》只有一個提名,不值拿最佳電影,杜琪峯反問是否公道,「即使林建岳係我咁好嘅老闆,我都要講,因為呢個係電影嘅自尊嚟嘅。如果咁樣,即係侮辱我哋啫。我唔去唔代表我唔投票。」

廣告

「創作應自由」

對於《十年》得獎,杜琪峯指出,「創作係需要自由嘅,係應該唔需要有束縛,係透徹嘅…每一個城市,就算鄉村都好,佢都應該有佢自己嘅感情。當感情發揮到好真實,同埋令到大家有感動嘅時候,佢就會有一種要抒發嘅感覺。當感情被壓抑嘅時候,佢最後只有越澎湃嘅啫。」

廣告

杜琪峯又稱,自己推崇年輕導演,「一部電影嘅成功,同埋可以引起大家嘅關注,或者係得獎,大家要思考一下啦。」

相關報道:蘋果日報明報

發表意見