立場新聞 Stand News

格鬥乳房是怎樣煉成的?

2015/7/31 — 18:14

《dead or alive》遊戲截圖

《dead or alive》遊戲截圖

好多人話,琴日胸部襲警罪成,先知原來心口對波咁有殺傷力(在「高熱火焰」以外);計我話,你細細個打機嗰陣,應該都見唔少「動 L」乳房啦,但格鬥 game 入面晃動的乳房,簡直可以話係遊戲嘅賣點。你知唔知呢啲令人黯然銷魂嘅「格鬥乳房」又是怎樣煉成的?

原來有樣嘢,叫「乳房物理」 (Game Breast Physics) 。你又聽過未?

「生死格鬥」個設計師板垣伴信曾經在訪問中形容,個遊戲「以乳搖聞名於世」,最新系列甚至毫不避忌,以「玩家自設乳房物理」為賣點,但到底咩係「乳房物理」?

廣告

是咁的,人係生嘅,角色係死嘅,要模仿真人活動,普通關節都唔係話咁易啦,更何況係有肉無骨嘅乳房?

廣告

有遊戲設計師透露,行內人都覺得乳房難做,唔係無辦法做好,只係工序好繁複。「手工製胸」係指,動畫師要依照胸部不同情況下,模仿相對的移動可能。由於極極極極極極耗時間,所以開發商多數都寧願用「彈簧系統」模擬「胸動」嘅效果。彈簧係比較強硬的動作回應,而真正嘅乳房其實係柔軟的,所以總係會出現不尋常嘅(通常誇大)嘅「胸動」。

「除非開發者本身係想寫實啦,如果唔係,我唔記得要寫實喎。大家都鍾意宜家啲乳房動作,而且已經烙印人心啦!」一個匿名嘅遊戲設計師咁講喎,唔知大家覺得點?格鬥乳房,原來純屬虛構,今晚唔好抱住枕頭喊喎!

參考:Kotaku

發表意見