立場新聞 Stand News

添布頓世界巡迴展 異想世界十一月降臨香港

2016/8/30 — 19:01

右圖為Tim Burton 於MOMA 的展覽圖片

右圖為Tim Burton 於MOMA 的展覽圖片

《愛麗絲夢遊仙境》、《魔街理髮師》、《朱古力獎門人》、《怪誕屍新娘》……

鬼才導演添布頓的 (Tim Burton) 電影,好多人都睇過,真係有睇過。至於添布頓的展覽,應該就連楊偉雄都未睇過喇。不過唔使擔心,「添布頓異想世界」即將巡迴到港,今年十一月初在 ArtisTree 舉行,睇一轉,咩局長都有得你做啦。

美國現代藝術博物館 (MoMA) 2009 年,首度為導演添布頓舉辦藝術作品展。展覽大受歡迎,故翌年起開始世界巡迴,曾到歐亞多個城市展出,包括墨爾本、洛杉磯、巴黎、首爾、布拉格、東京及聖保羅等。繼今年六月展覽巡迴到上海之後,主辦單位今日宣佈將於今年十一月初,來到鰂魚涌的 ArtisTree 舉行。

廣告

展覽將陳示添布頓 500 多件作品,包括素描、相片、木偶、雕塑和音樂影片等,其中最早更可追索到鬼才導演的童年繪畫。

主辦單位亦會因應舉辦的城市,而創造獨一無二的展館設計。香港站展覽將設九大展區,包括隨想漫遊、諷刺嘉年華、奇幻想像:非男非女也非怪、經典電影角色、節日懷想、回到最初、為世不容的傳奇、寶麗萊珍藏及未圓的壯志。

廣告

配合多媒體設計,展覽重構添布頓作品中的異想空間,勾起觀眾的經典電影作品回憶,亦讓觀眾更了解導演偏離世俗的生平。

發表意見