立場新聞 Stand News

火力全開!多位香港 Rapper 創作反送中歌曲 斥警暴諷建制議員

2019/6/26 — 18:24

「Fuck the popo 我屌你老母 Fuck the popo 我屌你老母 yea .......」香港 Rapper JB 昨日發布這首《FUCKTHEPOPO/屌狗》反送中,小妹 Facebook 瞬間被洗版。若覺得《Sing Hallelujah to the Lord》太過「和理非」,這些香港 Rapper 火藥味十足的創作,或許可成勇武派飲歌。 

JB《FUCKTHEPOPO/屌狗》

政府漠視逾百萬港人民意,遲遲未有正面回應港人五大訴求:全面撤回送中惡法、反對定性暴動、釋放抗爭者撤銷所有控罪、追究濫權警察暴行以及林鄭下台。於香港土生土長的菲律賓籍 Rapper JB 則以《FUCKTHEPOPO/屌狗》回應社會。《FUCKTHEPOPO/屌狗》Youtube 音源以6.21 包圍警總的相片為背景圖,警總高牆上除了蛋液,還有示威者寫上的「永不屈服」、「Fuck the PoPo」。

廣告

But who are the「PoPo」?當然係發射咗150枚催淚彈、橡膠子彈以及布袋彈嘅「Hong Kong Police」啦!「催淚彈 橡膠子彈 你班撚樣自由揮 我咪帶住眼罩口罩頭盔 做個自由閪 嬲嬲地 揸咪我要屌班速龍龜....」、「警察 手法邋遢 知法犯法 仲要咁撚串 你遲早玩撚完 係人都知你係濫緊權...」JB 句句直斥警暴濫權,大快人心。

但鬧還鬧,一句「二百萬加一 我地守住一齊封」又呼應返今次反送中運動中「We Connect」。 

廣告

Luna Is A Bep 《收成期》 

當 JB 將槍口對正警暴,麻甩系女 rapper 「Luna Is A Bep」就用一首《收成期》串爆陳健波議員。

14 日,財委會主席陳健波見傳媒批反送中示威者「搞亂香港」、「破壞自己的收成期」。Luna Is A Bep 將陳健波這番言論融入歌詞,同時道出年輕人的心聲。

她在歌曲介紹中寫道:「雖然我窮L,但在人生路上認識不少『捱過,正處收成期』的成年人。佢地有家要養,有責任在身,唔似得我哋呢啲nothing to lose嘅人話企出嚟就企出嚟。但係,佢地言談之間,依然流露一絲絲嘅理解同體諒,更多嘅係擔心我哋嘅安全同身體。」她強調,自己無意挑起兩代紛爭,只想「好似MTR咁」同陳健波講聲:「唔好意思呀~」 

《收成期》中一段:「收埋你啲獅子山精神 係喇你捱過住過公屋叻喇可以脫貧 2019 後生仔無論有幾辛勤有幾殷勤 繼續無功而還 你仲攞景挑起紛爭?」老實講,獅子山精神呢個Myth,今時今日真係難聽過粗口。

另外,SoWhat 改自《old Town Road》的《高班管》同樣過癮:「一哥FUCK守則 ha Number位冇乜 一槍終結專打頭 射波去值更領導」、「醫院IT被hacker hack You fuck my town around we try to keep protect 年年投放公安 在外片香港 鄭月娥 Hong Kong delay no more」。短短兩分半鐘,盡現政府高官醜惡一面。

這種拳拳到肉的創作,也許是流行文化最迷人之處。下次唔想唱Sing Hallelujah to the Lord,不妨試試上面幾首~ 

發表意見