楊天帥

楊天帥

心地善良是十分重要的。https://www.fb.com/yeungtinshui/

2019/8/9 - 7:01

為何不割蓆?因為不是我們創造了運動,是運動創造了我們

「和理非」與「勇武」,矛盾又激化。
睇連登,有人呼籲勇武抖抖,被人屌。
在前線,有人街頭放火擲磚,又被人屌。

有些聲音同大家講,唔好割蓆,要信同路人。
雨傘最令人痛心的就是割蓆,
反送中就是同路人合作起家。

但講極都無咩人聽。

廣告

點解無人聽?其實都明嘅。

比如 A 君認定和理非才是唯一出路,佢見到人衝,自然覺得會搞散場運動。
同樣,B 君認定衝衝才有效果,也會對和理非燥底,「屌你咪撚阻住晒啦」,咁。

但其實,
A 君同 B 君都有一個錯誤,
就係佢哋都誤會,以為是自己創造了運動。

他們以為反送中運動係自己個仔,
所以個仔做啲咩,好 care,好多意見。
希望個仔行佢心目中嗰條正路。

但其實,你諗吓,
呢個仔從來都無聽過任何人講嘢,
從來都是行自己的路。
建制派成日話有咩「大腦」定「大佬」,
大你老母呀。
我肯肯定,反送中行到今日呢一步,
無人事前能夠預計。

唔單止我們不能預計運動發展,
我們甚至不能預計自己的行動。
我唔知你係和理非定勇武,
但你諗真啲,
受運動感染,你做了幾多無諗過自己會做的事?
你又有無發現,
因為呢場運動,
你可以更大聲對全世界說,
「我是香港人」?

所以,與其說是,
我們創造了運動,
不如說是,
運動創造了我們。

雖然我們總想對運動指指點點,
但事實卻是,運動早已對我們指指點點﹗
只是我們沒發現而已。

所以,我們不能割蓆。
因為,我們都是生於運動的人呀。
割蓆等於否定自己,
我們會變得連自己是誰都不知道。

我們能做的,唯有去理解,
理解這場誕生我們的運動。

這場運動已經發生了好多事,當中許多我們不太明白;
今後亦會發生好多事,我們繼續不懂。

讓我們學會尊重、感受、理解。

尊重、感受、理解這場運動給我們的所有。

我們不是運動的主人,
運動才是我們的主人。
不割蓆。香港加油。