立場新聞 Stand News

遠離寒戰,冚家保平安

2016/7/14 — 9:29

《寒戰 2》劇照

《寒戰 2》劇照

有一個都市傳說,話電影嘅續集,通常超越唔到第一集。

寒戰打破咗呢個傳說。

下文大量劇透加感想。
.
.
.

廣告

大量劇透加感想。

1. 細個嗰陣,睇過幾套美國派系嘅無格動作片。

廣告

片中嘅演員,男嘅大隻、十六舊腹肌,女嘅大波、最細36F。當我襟咗個play掣,無耐畫面就有一群人無端端喺度集交,由VHS第一秒就開抽插,無除衫(因為根本無著過)、無前奏、無劇情,無,乜柒都無,得一大班男人喺度插一班女人,插足六十分鐘。

作為專業AV演員,班演員交足戲:男嘅抽插黃河咁闊嘅陰道時,仍會叫 “oh yea, smooth, oh yeah”,流露一臉流足興奮嘅神情;女嘅即使了無感覺,不斷大叫 “yes! Fuck me! Yes yes yes!!! AH~~~”,被老漢推車時仲會捉住男方嘅手臂以示肉緊。

佢哋真係好用力,好想去表達「嗱!我扑緊嘢畀你睇!你睇下我幾high!我真係好high!」嘅感覺。當啲女使出觀音坐蓮嗰陣,佢每一下都似乎係出盡力坐落去,力量足以開山劈石,因為action force=reaction force嘅關係,啲肉(同對波)彈下彈下。

但佢明明抽插空氣,喺正常情況下,一啲都唔會high。所以,佢哋喺螢幕後越用力,我喺電視前越覺得無癮。我連花生友都唔係,只係一個徹底嘅局外人,無感情、無共鳴,完全投入唔到(當然唔排除係因為洋人支嘢起錶六七吋令我更加無癮)。

中途,我開始睇到啲唔應該係喺你睇咸片留意嘅嘢:我發現剪影嘅搞錯咗,鬼佬明明插緊金髮鬼妹,下一秒變咗黑髮姑娘;我又開始留意到,啲鬼佬得幾句台詞,唔係oh yea、就係yes come on。

最後,可能因為片長關係,班鬼佬一齊發射,成個畫面都係精。

「哦。佢哋射咗。」

我一直只係想快啲完場。

無錯,我睇《寒戰2》嗰陣,居然諗起呢套美國咸片。

2. 首先要點評一個演員,文詠珊。佢好靚。

文詠珊好有喜劇細胞。因為喺任何一套戲-紅van、大搜捕、寒戰2,每次佢出場,我都忍唔住笑。

我諗咗好耐點解會咁。明明佢好認真咁做緊supposedly應該係認真嘅角色。喺寒戰2,佢出場,唔使講嘢、唔使做任何動作,佢只要擺出一副認真、煞有介事嘅樣,我就自動笑出嚟。

後來,我明白點解。

例如,佢喺《寒戰2》嘅角色,係一個大律師。但佢喺成套戲嘅表情(仲有對白同行為),完全似一個因為間壽司舖無端端唔開晚市而嬲咗男朋友一星期嘅女仔aka死港女。

佢做戲,永遠得一個表情:碌大對眼。

喺HMV同梁家輝嗰場戲,對白與表情簡直拍案叫絕-一路淨係識碌大對眼望住梁家輝;人哋收咗錢,會喺大庭廣眾話畀你知?當然,佢喺呢場戲,對眼碌得大到,我驚佢就嚟跌出嚟。

到文詠珊死咗,我心裏面嘅第一個反應係:

「屌,正!唔使再見到佢碌大對眼。」

好撚驚佢喺殮房個幕,我有諗過佢會唔會死唔眼閉,仍碌大對眼。

我再諗真啲,喺經理人揀咗啲難嘅劇畀佢演。對唔住,文詠珊,你堅係靚。但你真係有喜劇細胞,希望有人欣賞到。

3. 便秘:成套戲嘅演員,每個都似便秘ing,眼耳口鼻永遠那埋一齊,眉頭深鎖,若有所思。尤其是近鏡時,佢哋恍彿喺度講「屌舊屎幾時屙到出嚟呀」……定係,其實佢哋真係集體便秘?

4. 劇情:唔合理、無交代、零感情嘅劇情,每十分鐘就有一次,密過地鐵。最痴撚線(=同現實脫節)嘅,係所有高層都會落手落腳,行去前線做嘢-你幾時見過李嘉誠去長實啲地盤起樓呀?跟住有個退休前休假嘅人(梁家輝)一而再、再而三(i)喺警隊高層機密會議出現同(ii)指手劃腳。再有一班免洗,好似有背景但劇情無交待嘅人出嚟做死士,或者隨時出現幫手。

連茄呢啡都有名有姓有龍有角嘅時候,大家就好比心機去演一個完全唔撚合理嘅劇本。於是乎彭于晏中槍,唔感動;楊祐寧為成梁家輝大業而自殺,零感覺;楊采妮喊……你喊乜春啫?

「哦。佢死咗。」

除咗我為文詠珊嘅死開心咗幾秒。都話咗佢有喜劇細胞。

5. 成套戲嘅轉捩點,係蔣志光。而蔣志光(and related persons),係弱智嘅-人哋畀料你,完全唔去走線,就咁派人去開波。仲好意思講你哋首領係前一哥。Government is an equal opportunity employer. 我終於信了。

係,一般公司高層係弱智。但佢哋係太聰明,唔想狽鑊,一味射波嗰種弱智,唔係連基本常識都冇嗰隻。蔣志光係戇鳩個股票行問人買乜嘢股票嗰啲師奶,你同我講呢個係警隊最高層?Are you kidding me, seriously? Common sense is not that common anymore.

6. 《寒戰2》主線係乜?我答唔到你……似乎係架衝鋒車……但有冇人可以簡單解釋下前一哥留架車嚟做乜?玩真人GTA?演嘢?學我儲唐老鴨咁開博物館?即係去圖書館借咗本絕版書,明知遲咗都唔還住,留下念?仲要派啲人守住架車?呢班人以前警察嚟?

咁話分兩頭,現實世界真嗰啲警察又真係弱智嘅。

7. 發哥個角色做乜?如果我連發哥嘅角色做乜都唔知,咁發哥係文詠珊老竇嘅朋友,同發哥疑似搞死文嘅老竇,又是為甚麼呢?而家我係咪睇緊《綠豆》,啲劇情要留白?

8. 一哥做嘢,拎住個炸彈,去西營盤地鐵,完全疏散,唔做任何嘢,任由一哥、疑犯、炸彈同普通人一齊?唔撚係呀嘛?

9. 套戲暗喻中港關係?可能係囉。但前題係,基本劇情合理。否則你暗喻乜春都係空中樓閣,鏡花水月,一啲基礎都冇。

10. 另類短評:湯怡好正。當我見到楊采妮老到上唔到粉我有啲心痛佢喺我後生嗰陣係女神嚟雖然我冇like過佢。周筆暢伍家謙搵我演都得。我睇維基百科先知蔡雪瑩有份。

11. 最後,乜香港有特赦嫁咩?刑事案有檢控限期/豁免咩?痴撚線嫁咩?大佬呀,呢度係IDD 要打+852嗰個香港呀。求其搵個year 1 Law School學生問都知啦。

我好少屌香港拍嘅戲。再爛都好,忍得住都唔會出聲屌(好多時間咩屌你)。但呢個寒戰系列,續集嘅戇鳩、造作、扮嘢、低能、不合理程度,通通超越第一集。

我真係好失望,咁多人、咁多心血、咁多錢,搵個正常人睇睇條橋得唔得?咁樣搵錢法,完全唔理一啲最基本嘅質素,香港電影個品牌仲有幾多咭碌?

屌,講起個碌字,我又諗起文詠珊碌大對眼個樣。笑咗。

除非你想睇喜劇,遠離寒戰,冚家保平安。

唔好嘥錢。有錢捐咗去慈善機構,或者下星期去書展買書。

寒戰第三集大膽預測:四大天王全數參戰,再加鄭伊健嘅洪興介入。黑白兩道,跟住幕後黑手係菲利,香港大爆炸,完。反正都唔撚合理,孫悟空呀、菲利呀一齊出場,有乜所謂?

──────────────────
廣告:

(1)廣東話入文,全港第一本廣東話範文:
香港語文-聽陳蕾士嘅秘密》林非、史兄、擇言、Edwin

(2)史兄新書《史詩式愛情》,已經正式上架

──────────────────

不要問,只要like,仆街史兄的專頁同IG。

Facebook ;IG (主要用嚟睇女仔) 

發表意見