立場新聞 Stand News

《選老頂》上映 杜汶澤:唔知仲有無機會再開戲

2016/3/31 — 7:53

一向敢言的杜汶澤,監製的電影《選老頂》今天正式上映。早前電檢處不批准電影以原名《選老坐》上映,結果改名成《選老頂》。《選老頂》昨晚在官方facebook刊出電影主角、監製兼出品人杜汶澤的感言。杜汶澤形容,「選老坐」是時代巨輪下的一個副產品,一個縮影,一個現象,「而我哋台前幕後,雖然無人講過出口,但係,大家都有團暗火,知道呢一部戲,唔只係一部電影咁簡單,而係一個時代!」

他又指出,即使今次電影票房佳,也未知是否有機會再開戲,「原因大家一定明白,唔使我介紹番。」

杜汶澤表示,「唔知幾時,曾經有個好X巴X閉嘅大導演同我講,佢話,杜汶澤,你呢啲人,既然咁愛香港,咁就攬住香港同佢一齊陸沉啦!我想講,我好榮幸,能夠有機會、有資格攬住。」

廣告

他感謝電影投資者,但未知是否有機會再開戲,「多謝枱底塞錢比我開戲嘅人,我唔會篤灰,資料絕對保密,好心有好報,你地一定賺硬!…聽日,三月三十一號,部戲終於要上嘞,我唔知道,仲有無機會可以再開戲,仲有無機會,拍一啲屬於呢個人地口中陸沉中嘅小島嘅本土電影,就算收得,都唔一定再開到,原因大家一定明白,唔使我介紹番。我只希望,我有眼見。見證呢個,日出同日落同一時間出現嘅奇景.......」

杜汶澤感言:

廣告

監製的話:

大家好,我係杜汶澤。

某一日,自從我踏出左第一步,我已經知道,時代並未允許我過住所謂「以前」嘅美好生活。

我只能夠話,凡事,並唔係我地想像中咁多選擇。

相比起好多人,我嘅所謂犠牲,微不足道到連share都面紅!

無所謂啦!講多無謂,行動最實際。

成立香港電影製作有限公司,目的係做啲嘢,就算係on9,都要做。

「選老坐」呢部戲,亦係呢個時代巨輪下嘅一個副產品,一個縮影,一個現象,而我地台前幕後,雖然無人講過出口,但係,大家都有團暗火,知道呢一部戲,唔只係一部電影咁簡單,而係一個時代!

唔知幾時,曾經有個好X巴X閉嘅大導演同我講,佢話,杜汶澤,你呢啲人,既然咁愛香港,咁就攬住香港同佢一齊陸沉啦!
我想講,我好榮幸,能夠有機會、有資格攬住。

多謝你,你簡直係本土電影之父!

多謝枱底塞錢比我開戲嘅人,我唔會篤灰,資料絕對保密,好心有好報,你地一定賺硬!

更加要多謝所有台前幕後嘅兄弟姊妹,你地比我知道,我並唔孤單!你地至係英雄,我唔係。

聽日,三月三十一號,部戲終於要上嘞,我唔知道,仲有無機會可以再開戲,仲有無機會,拍一啲屬於呢個人地口中陸沉中嘅小島嘅本土電影,就算收得,都唔一定再開到,原因大家一定明白,唔使我介紹番。

我只希望,我有眼見。見證呢個,日出同日落同一時間出現嘅奇景.......

杜汶澤 
電影「選老坐」監製、出品人

 

發表意見