立場新聞 Stand News

M+ : 福臨門價 Starbucks 享受

2016/7/25 — 15:42

政府去立法會攞錢又話 M+ 係以香港本土為主的「陸羽茶居+鏞記」,依家變咗半島價 Starbucks ,你吹佢唔漲。 M+ 咪好似中環 Soho 啲西餐咁,餐單全英文,都唔預你香港人食,又話你啲香港人唔識食西野。西野高人一等,長西人志氣,滅香港威風呀。好似米之蓮乜粒星啲中菜,廣東菜做到鬼咁甜,又唔夠熱,佢話鬼佬口味一定好野。西廚識鬼食中菜,佢見到臘味同鹹魚就唔知點食。依家 M+ 就好似間 Starbucks 扮老蘭西餐,裏面成班廚又係過啲食過中菜又當係識中菜。無計啦,所謂「住洋樓,養番狗」西野一定好過香港野,都話係西九,一定以西為先。

依家又話你聽西廚都會做中菜,咖啡咪係普洱茶?牛扒就係义燒?請完一個歐洲廚又請一個澳洲廚,香港藝術家好似無所謂。政府又話藝術係見仁見智,但係香港人一定無培養機會。

香港藝術界甘心被殖民?比你香港去到意大利又點,燒幾百萬咪又係好似燒衣咁燒比鬼。呢啲世面細佬都見過,錢主要都係用係攪食飯;又走黎同你講乜乜物物藝術唔明無市場。回歸十九年香港連一個似樣雙年展都搞唔到;康文署博物館做得咁好得個雞碎咁多錢。西九吓吓千萬億萬咁用就無人話,有亂用錢免死金牌。係堆填區執到啲垃圾又話係乜野世界寶。

廣告

外國人可以獨立?天真。你睇下港大。香港本土沒有土壤發展如何國際呢?班鬼睇住幾十萬人工一個月,老細叫佢點都得。回歸二十年香港文化藝術仍然是西方藝術殖民地;一個 M+ 總監也培養不了。乜野港人治港?本土乜乜物物以為講吓粗囗就係本土,西人就唔拿 Q 識聽粗口,當意大利文加西班牙文咁聽。

HK01 完全無接觸我,照抄 SCMP ,呢啲係乜新聞機構?抄新聞機構?)

廣告

 

發表意見