立場新聞 Stand News

「夠膽買樓嗎?」

2015/10/8 — 7:30

圖片來源:香港城市大學網站

圖片來源:香港城市大學網站

「夠膽買樓嗎?」        黃嘉銘

《蘋果日報》記者黃嘉銘指近期出席親友聚會,話題都圍繞樓市,親友為樓市下跌感興奮,認為是入市時機。我有同感,不少朋友問我,跌多幾多才入市。黃嘉銘說:「可以肯定,呢班親友是越跌越唔敢買的一群。」說得好,越跌越唔敢買是改變不到的行為謬誤,反過來看,我們的習慣是越升越搶。

樓價跌些少,準業主心裏暗喜,紥定馬等入市。不過跌些小當然不足夠,直至樓價跌一兩成,市場氣氛確認轉壞,這時候有樓卻冇人要,因為準業主開始貪心,以為跌開有排跌,選擇再等。但問題是,如果樓價跌三四成,準業主肯定不會入市,因為這時候經濟一定出事,四周圍愁雲慘霧,現金是王。

廣告

行為科學家以不同實驗證明,我們怕錯,程度相當嚴重,以金錢衡量,我們寧願少賺二三十元,也不想輸十元。輸錢不單肉赤,還打擊自信,可嚴重至情緒沮喪,因此我們盡一切能力避免犯錯。樓價跌即是有問題,或應按兵不動,準業主想,如果只得自己一個人錯,豈不是很樣衰。想到這裏,準業主加入唱淡行列,當樓價果真下跌,準業主忙於恭喜自己:「好彩早前冇上車,嗰市仲有得跌。」樓市週期在眼前略過,準業主一世是準業主。

廣告

發表意見