立場新聞 Stand News

看出香港精神的廣告

2019/3/11 — 16:19

作者提供圖片

作者提供圖片

做人有時候真係好攰,想停低甚至想放棄。但我們這種人,成日都為了工作、為了客戶、為了團隊、為了理想,不停的衝衝衝,當你發覺每日都唔夠時間用,但係幾攰都仲會有心有力,最終你就會打消放棄的念頭,今天跌低了然後明朝又起番身。

最近看到在灣仔運動場對面華懋世紀廣場的那塊玻璃幕牆,用了香港跳高女子代表楊文蔚的 Nike 廣告。這個廣告勁在三個點。

第一,execution 好得,咁高、咁大塊包攬成幢大廈的廣告牌,香港並不常見,加上楊文蔚的硬照跳脫搶眼,自然有 stopping power;第二,location 好得,對正灣仔運動場,不知幾多香港運動員,都係喺呢度起步、跌低同進步。第三,概念好得,切合品牌,有態度有性格,面向時下女性,Nike,Just do it。

廣告

一向喜歡周星馳的《喜劇之王》電影系列,試問有邊個演員的出身不是由配角甚至乎茄哩啡做起,最後成功變成大明星的到底有幾個?而新舊《喜劇之王》的共通點就是主角的不屈不撓、不斷堅持和打不死、而且越戰越勇,其成功秘訣是甚麼?係熱情、係熱愛。

廣告

一講到運動,足球、籃球、游水、排球等都是熱門運動,但你有沒有發覺香港運動員在公開賽表現得特別出色的,往往都是一些比較冷門的項目,例如單車、桌球、劍擊、跳高。箇中原因可能香港人喜歡走偏、少競爭自然贏面大;然而我們相信李慧詩、吳安儀、楊文蔚之所以選擇那些項目仍是忠於自己。

楊文蔚講過,「要跳過命運,跳過障礙,只要心仍在跳。」當你攰到一個點,連呼吸也乏力,但仍堅持把每一囗氣投入去建設理想,運動員跟廣告人,也跟大部份的香港人都一樣,始終有一種打不死的香港精神,橫看直看,這確是一塊可以看出香港精神的廣告牌!

 

原刊於《蘋果日報》

發表意見