立場新聞 Stand News

聯儲局如何華麗地管理市場預期

2018/12/20 — 12:54

鮑威爾,圖片來源:cnbc片段截圖

鮑威爾,圖片來源:cnbc片段截圖

在 11 月 29 日個 po 我話要留意聯儲局如何與市場溝通,所以今日跟進一下。

我覺得鮑威爾幾勁,應該畀個 like 佢。先唔理 Trump 嘅語言暴力,單看環球金融市況,都值得聯儲局放慢腳步睇定啲,但難點是如何華麗地管理市場預期。

事後孔明睇,鮑威爾故意在議息前先放隻大鴿,引導市場期望聯儲局來個急急大轉身。但到昨天就維持加 quarter,只是 2019 年由預期加三次變成加兩次,其實已經華麗轉咗身,但出來嘅效果就鷹好多,仲可以大大聲話無人能阻聯儲局做正確事。主觀感覺認為聯儲局今次轉身比以往快,無咁 behind the curve,似番啲 Greenspan 嘅風格,我比較喜歡這風格。

廣告

市場從來都好情緒化,財演當然會再作大啲,幾個月前仲係好 high,家陣就講到金融風暴重臨死硬咁,如果係嘅話股票市場怎可能跌咁少!我建議做人要做到寵辱不驚,投資就要做到升跌不憂。例如條美元 yield curve 咁,其實已經好平(flat),是否倒掛只有象徵性意義,無實質影響,絕對唔係一倒掛就出事。現在聯儲局慢慢收手,其實條 curve 平係好正路,肯定正路過律政司做重大決定時休假。

請注意,我唔係話一定無金融危機,但不能只係識驚但唔知驚乜,要認真去識別究竟有什麼風險來源會引致金融危機。我無咁醒,所以未諗到,但如果咁好彩諗到,一定會和大家分享。

廣告

 

(標題為編輯所擬,原刊於貼地風管 Facebook

發表意見