立場新聞 Stand News

試用期亦是員工試公司

2018/10/12 — 14:57

資料圖片,來源:Rawpixel @Unsplash

資料圖片,來源:Rawpixel @Unsplash

返工同拍拖,都有一個「試用期」。試用期的長與短,往往都要視乎一段關係的複雜性、工作職位的高與低、呢個人信唔信得過、之前跟他或她有沒有合作關係、過去個底花唔花之類。 

一般大公司的試用期,由一個月、兩個月、三個月、半年去到一年不等。所謂試用期,你可以看成為公司主導,真的是為了試下和用下,試得好用得好才確認可以長用。所以,過不過到試用期,的確因人而已。 

有些人會好擔心不能順利通過試用期,一旦過得到,就會請食飯及開香檳慶祝。時代不同了,在朋友的廣告公司,新來了一位客戶經理,表現不俗,兩個月的試用期輕易渡過,人事部同事正要跟她洽談試用期滿之後的安排及要求。出乎意料的是,她不但沒有表示開心或興奮,反而,非常冷靜的回答說,希望公司能夠延長她的試用期。這個世代講公平,公司可以試用員工,誰說做員工的,就不能「試用」公司?公司既然可以延長員工的試用期,誰說員工就不可以照板煮碗?一於睇定啲,有任何不對勁就執袋走人。 

廣告

另有一位都幾資深的同事在試用期滿之前「被離職」,由於他於試用期間也有兩個月通知,他直接跟人事部開了個條件,從今天起計,正式離職的時間為今年年尾,因為越近年尾,外面通常就少人辭職,少人辭職,所以就好難搵工,好難搵工,最好就可以做到過咗農曆年才出去搵工,又或者照樣做到年尾,公司要補多兩個月人工,那就最理想和合理云云。如此邏輯,的確聞所未聞。 

計我話,試用期只是為雙方訂下一個期限,過不過到,多多少少,大家應該心中有數,根本無需等到期限將至那刻,才去決定過,還是不過。如能在過程之中,及早溝通、了解彼此的預期,過得到試用期的機會,理應大大提高。

廣告

 

原刊於《蘋果日報》

發表意見