立場新聞 Stand News

講完都無人信的廣告

2019/1/28 — 12:45

阿里雲的戶外廣告(圖片來源:阿里雲 Facebook)

阿里雲的戶外廣告(圖片來源:阿里雲 Facebook)

一嚿雲、兩嚿雲、三嚿雲,繼騰訊雲去到阿里雲,今時今日,周圍都係雲。雲端企業賣廣告,有時都係一嚿雲,奇奇怪怪,教人看完摸不着頭腦。

例如早前騰訊雲號稱公司的雲端虛擬機器有 99.9999999% 可靠性,資料遺失機率接近零,然而,最後如何?事實就係難過中六合彩頭獎的 10 億份之一機會故障也真的發生了,還說要助港推動「雲上大灣區」建設?希望不是賣廣告式的 empty promise 啦。

最近看到阿里雲在香港搞完 2019 生態峯會,大賣廣告,又報紙頭版又戶外 billboard,它取用「為香港.搏到盡」作為口號,誓要支援香港成為智慧城市。

廣告

阿里既非本地品牌,亦非本地人所皆知或港人擁戴的品牌,雖然投資浩大,也成為全球三大雲端服務供應商,然而中間的落差,就是根本沒有好好交代如何兼為何要「為香港」和「搏到盡」,聽落總有點兒毛管戙及周身不自在;至於視覺處理亦單調乏味,老正六粒毛筆大字,以為能夠「寫」出態度,其實甚麼也不是,今次廣告公司真的出了事。

早前 Nike 用了「贏唔贏無人知,搏到盡我話事!」的曹星如和楊文蔚去拍廣告宣傳,雖然亦非本地品牌,但以兩位港人引以為傲的運動員跌低無限次,勇敢起返身,漂亮地體現香港人那股熱情、打不死精神之餘,亦完美自然演譯了「Just do it」的態度,貼切到肉,每次睇完都 feeling good。

廣告

香港人為份工、為上車、為名牌、為屋企、為追女仔、為子女升學、為打機、為睇演唱會、為了一杯珍珠奶茶,的確可以搏到盡。但大概沒有人會相信有一個人、一間公司,甚至一個大陸品牌,會為了你和我、為了全香港去搏到盡。我們做廣告,寫標語口號,最忌就係失真,講一些觀眾不相信、連自己也過唔到的東西。

 

原刊於《蘋果日報》

發表意見