立場新聞 Stand News

陳德霖變相承認港股A股化 起落更大 籲港人適應

2015/4/15 — 11:59

近日港匯持續強勢,金管局總裁陳德霖形容,滬港通實施後,內地資金與本港及海外的資金會互相影響,內地投資者的決定與取向,會影響香港市場,本港要適應這種互聯互通的趨勢。

陳德霖今早會見傳媒時稱,滬港通與將會推出的深港通落實後,兩地資金來回較以前更多,股市起落會比以往大,「投資者要充份認識,並小心管理風險」。

我以前都強調過,滬港通呢個係內地資本賬開放嘅一個重要舉措,大家見到滬港通落實咗之後,其實內地嘅A股市場同香港嘅股票市場,開始互聯互通,當你一有互聯互通之後呢,跟住兩地市場就產生一個互動關係,換句話講,內地嘅投資者嘅決定同取向,係會影響到香港嘅股票市場,反之而言, 係香港同海外投資者嘅取向亦會影響到內地市場,呢個情況之下就必然產生、對香港市場有啲變化同新動態。我哋要認識、同埋適應互聯互通同互動情況之下嘅市場特性。

我自己估計滬港通落實之後,同遲少少深港通都會推出,資金來回兩地、進出香港市場都會比以前多,同時香港股市嘅起落亦可能會比以前大。我覺得大家要好好去認識呢個新嘅特性,同小心管理好風險。

廣告

上周港股通用盡了額度,他亦看到海外資金買港紙投入香港市場,陳德霖指,暫未清楚涉及多少資金,但強調銀行流動性管理仍然是暢順。

陳德霖另不排除資金除了湧入股市,可能亦會流入樓市,但目前沒有確實的數據。

廣告

相關報道:
星島日報
有線新聞

發表意見