立場新聞 Stand News

【圖輯】四米字海千字瀑布 勁揪體蚊型展開幕

2018/11/30 — 20:29

為廣東話可以去到幾盡?香港多媒體設計師 Kit Man 兩年前眾籌製作 6000 字「勁揪體」不特止,依家仲有埋展覽添!四米巨牆展出數百勁揪體原稿,仲有千字瀑布的互動裝置,等你嚟親身體驗。

今晚(30 日)勁揪體蚊型展正式發佈,展覽將於聽日正式開幕。展覽主要分為《原稿展區》以及互動投影裝置《字裡人間》。《原稿展區》展示 440 張勁揪體原稿,幾百粒字佈滿整幅約四米闊的牆壁,眼前一片「勁揪字海」,畫面震撼。大家可以係茫茫字海中搵出你熟悉嘅廣東話詞彙,大玩拼字遊戲~而《字裡人間》則是一個以五百個廣東話詞彙、一千零二十四粒勁揪字體組成的投影文字瀑布。投影文字會感應及避開觀眾身體。觀眾可以用手撈住勁揪體,又可不停移動,等啲勁揪體追住你走~

「勁揪體」誕生於 2014 年 10 月雨傘運動期間。Kit Man 兩年前接受《立場新聞》專訪時表示,當時受朋友所託,為「我要真普選」的橫幅製作字體,Kit Man 就用毛筆手書,字體一炮而紅,用於不同文宣。後來港足在世界盃外圍賽的表現引發熱潮,也有人用這字體書寫「香港勁揪」的標語打氣。 2016 年,Kit Man 成功通過眾籌籌得逾七十萬元,展開「勁揪體」造字計劃。到了今年 9 月,Kit Man 宣布 6000 字的勁揪體只差最後修正就可以正式面世。

廣告

 

廣告

發表意見