立場新聞 Stand News

「世界盡頭」學校招教員 5萬鎊年薪包三房住宿 只教一學生?

2017/6/7 — 13:44

資料圖片:Foula Primary School

資料圖片:Foula Primary School

蘇格蘭的政府網頁,近日出現一則招聘廣告。年薪近 5 萬英鎊的小學教籍,每周工作35小時,每年8星期有薪假,附送三房免費宿舍,咁筍?

細心一看,工作地點位於英國富拉島。富拉島係邊度?小島距離蘇格蘭大島約 2.5 小時的渡輪航程,是為 1937 年導演 Michael Powell《世界盡頭》(The Edge of the World)的故事所在地。全島現時只有 32 名居民,島上學校只剩兩名學生,其中一人將於下個學年離開小島升學。換言之,學校將剩下唯一一名學生。

即將離開富拉島的現職老師 Jayne Smith,已在島上工作三年半。她接受 BBC 訪問時表示,享受在富拉島的日子,自去年十月開始萌生去意,說:「純粹係我掛住蘇格蘭本島啦!嗰邊啲路四正好多,揸車都可以開得快啲」。

廣告

據悉,招聘不乏應徵者,來自南非、阿塞拜疆得申請都有,但作為過來人的 Jayne Smith 提醒「要有心理準備」,說:「富拉島好山卡啦。試過無船無飛機,我三個禮拜出唔到去」,後又補充一句:「如果你自問適應能力強,唔怕悶,識得自娛自樂嘅話,富拉島好需要熱心人帶嚟新諗法」。

教籍尚在招聘中,英國時間明日截止,你要試試看嗎?

廣告

發表意見