立場新聞 Stand News

喺澳洲銀行遇過的客人

2016/9/13 — 13:20

資料圖片

資料圖片

之前都有同大家提過, 袋鼠我喺呢邊係銀行工作既, 因為工作關係, 耐唔耐都會遇到的印象比較深刻的, 以下係第一個分享。

不幸總係喜歡降臨係不幸既人身上:

有位客人, 英文唔係第一語言, 同佢溝通其實有點困難, 事沿係呢位客人一直都係交一個固定既按揭數目既, 點知大約一年前, 佢唔知聽邊個同事講, 就交少咗, 然後就大鑊了, 因為咁, 佢一直都係跟唔上交款進度, 咁另一個好資深的同事就叫佢交多少少, 大約幾個月你就會追返上來, 但佢就一直都收到張叫佢交錢既信, 佢覺得好煩, 然後又定期上來嘈… (其實我地都覺得好煩架)

廣告

直到幾個星期前, 佢條數終於落入追數部門手上, 影響佢紀錄都不突止, 仲自動響佢戶口扣咗的錢去交數 (因為簽按揭合同時候條款寫明咗係會咁樣安排的), 佢就上來鬧, 話做咩會自動扣咗條數……

而家件事仲處理緊, 因為有部份係銀行失誤, 但又唔係完全銀行錯晒先煩 (因為個客人自己應該知道係一直都係交同一個數的)。 細聽之下, 原來個客人有個女, 由BB開始就訓咗響醫院--差不多廿年, 一直昏迷/植物唔郁, 而呢個客人係需要照顧佢自己、昏迷的小朋友, 另外一個小朋友, 仲要返工、供樓…

廣告

佢有一個願望, 就係希望個女有一日會醒返, 可以家庭團聚。而佢等緊既基本上係一個醫學研究上既突破… 又稱奇蹟。

佢既願望幾時先等到, 或者會唔會等到, 其實我真係唔知, 而佢個女醒返之後到底又係咪真係好事, 我都唔敢講… 西澳呢排都好多人病, 祝大家身體健康。

 

作者 facebook

發表意見