立場新聞 Stand News

唔用臉書唔用 Twitter 都可以吸引到 follower?

2015/8/5 — 17:25

坐車,睇。得閒,睇。唔得閒,都睇。

總之一有時間就上不同的社交網絡平台睇睇,睇下朋友們做乜、Like乜、去咗邊忽。當然仲有自己打下卡、post下美食相旅行相、睇法想法等等,咁樣就已經係一種交流,形成一種既遠且近的社交關係。套落真實生活上,情況又會點呢?

英格蘭就有位彼德先生去信報館,指自己嘗試將Facebook、Twitter的社交模式運用在日常生活上,直接將自己化身個人社交媒體,結果他真的成功得到了4位follower!我們一齊睇睇佢點樣在靈活運用這些社交模式:

廣告

彼德表示自己是一個沒有電腦的人,但就被告之大家喺Facebook、Twitter的社交模式,於是試下將呢種模式運用在真實生活,睇下識唔識到朋友。

彼德每日都會係街上向路人講自己食咗d乜、做咗d乜、對邊樣事物感興趣並有何意見... ...又將自己隻狗嘅相、老婆仔女嘅相、去旅行既相比佢地睇... ...當然最重要的步驟是,佢會聽下人哋講乜,之後會同人講:「我俾個like你!」。

廣告

果然係做足咗我哋平時係社交媒體的「互動」!最驚喜嘅係,彼德指出呢種方法真係work嘅!因為佢從中得到4位follower:包括兩名警員、一個社工、一個心理醫生跟進佢... ...

睇完係咪得啖笑呢?

作為一封讀者來信,報館都只能得說句讚賞他的誠實並希望件事係真嘅!不過就認為彼德這個幽默嘗試,確實指出了網上行為好多時套用於現實世界是多麼荒謬的事。值得大家反思一下,這些行為的真實意義為何、是拉近了還是將人與人之間的距離推得更開?

資料來源/圖:
哈芬登郵報

原刊於場邊故事

發表意見