立場新聞 Stand News

外借貓咪到府上驅鼠 既方便又快捷

2015/5/12 — 19:22

屋企有老鼠,外借貓咪服務幫到你!只需要用手機APP,揀一隻合眼緣的貓咪,收到Order之後出租公司就會連貓帶貓咪用品讓你帶回府上,讓貓咪一展身手,追捕老鼠!相處過之後覺得貓咪好ok,仲可以領養埋,一於讓貓咪正式成為家中防鼠大將軍!仲唔係雙贏局面!

英國動物慈善組織Wood Green近來和清潔公司Handy合作,推出了「借貓趕鼠」手機app服務,借出貓咪到府上暫住趕老鼠,費用全免,仲會提供貓砂盆、貓糧和貓屋。Wood Green表示,希望透過這項獨特的出租貓咪服務,讓人們真心感受「家有一貓」是既可愛又實用的。

Wood Green指,老鼠除了帶來衛生問題,更會造成實際破壞,如咬爛傢俱及電線;又基於鼠類既習性及繁殖迅速,屋企一旦有老鼠出沒,就代表附近可能已經有老鼠巢穴,就算出動老鼠板、老鼠藥,滅鼠都可能只是滅得一時唔滅得一世!不過老鼠天敵─貓咪就唔同了,因為單單是貓咪身上的氣味足以將家中的老鼠嚇走,更何況有貓咪出手捕鼠,家有一貓的話,老鼠仲唔搬家?

而該組織現時有200隻貓等待領養,他們指這項服務一方面可以在牠們找到新主人前暫時有人照顧,另一方面可讓大家知道養貓的好處,幫助更多可愛貓兒找到屬於自己的家。不過這項服務現時只限於倫敦地區。



資料來源/圖:英國郵報

原刊於場邊故事

廣告
廣告

發表意見