立場新聞 Stand News

立志做個「垃圾佬」

2016/8/3 — 10:54

Ethan 近日終於願望成真。

Ethan 近日終於願望成真。

好多小朋友細細個都對唔同類型嘅車情有獨鍾,美國加州一個六歲嘅男仔特別鍾意垃圾車。

比著大家係佢父母,你會點?

Ethan 出世十八日,佢父母就知道佢患有囊腫性纖維化,初頭都好茫然,不過佢地決定同呢個仔開開心心咁生存一日得一日,仲希望教到佢:只要佢想做,無嘢係唔得架!所以由兩歲開始,知道Ethan鍾意垃圾車, 父母除咗會買垃圾車模型比佢,仲比好多Youtube垃圾車影片佢睇。每日聽到垃圾車嚟,Ethan 更會自己跑上屋企二樓,搵定靚位睇車車。呢個習慣唔單止佢屋企人知,收集垃圾嘅職員更會響鞍提Ethan上樓睇車。佢更加立志做個「垃圾佬」,收集垃圾同埋回收品。

廣告

齋睇唔夠,Ethan 近日終於願望成真,美國有基金贊助佢做一日垃圾佬,有現役職員傍住之餘,仲有自己套制服、貼咗自己名嘅垃圾車,同埋特別行車路線:Ethan 學校、報社同埋消防處。

睇住自己個仔做垃圾佬,Ethan 父母感動到喊出嚟,當日仲有成七百幾人喺尾站州議會大廈歡迎 Ethan 落更。

廣告



#EthanCleansUp #揸垃圾車真心型

文圖來源;原刊於場邊故事;標題為編輯所擬)

發表意見